NOV. 1521] DEUXIÈME LIVRE

pais, allèrent trouver la rivière de Bembre^, qui est une petite rivière descendante du Bergamasque, et tombe à Vaure^, dedans la rivière d'Adfde ; auquel lieu de Vaure ils trouvèrent quelques batteaux cachez dedans les rozeaux, avecques lesquels ils passèrent deçà l'eau le nombre de trois ou quatre cens hommes, lesquels, trouvans le comte Hugues de Pepolo, Boulenois, qui a voit la garde de par ledit seigneur de Lautrec de ce passage, le forcèrent et mirent à vau de roupie; et y furent tuez le capitaine Chardon^, ayant charge de cinq cens hommes, et Gratian de Lucé, ayant pareille charge.

Retraicte de monseigneur de Lautrec à Milan. — Le seigneur de Lautrec, adverty de ladite roupte, craignant qu'ils ne gaignassent Milan, se retira audit lieu de Milan en toute diligence, laissant bonne garnison dedans Crémone. Estant arrivé, départit les gardes, en espérance d'y attendre le secours qui devoit venir de France, et desja estoit le mois de novembre mille cinq cens vingt et un. Le seigneur Prospère ayant passé l'Adde, et adverty que le seigneur de Lautrec s'estoit retiré dedans Milan, et qu'il faisoit relever les bastions en grande diligence, délibéra de le suivre, et vint loger en une abbaye, à quatre mille près de Milan, nommée GheravaH, sur le chemin de Laude^, audit Milan, auquel lieu estant logé, estoit incertain de ce