Joachim Rouault, maréchal de France (1461), grand

298 MÉMOIRES DE MARTIN DU BELLAY. [Nov. 1523

cens hommes d'armes, et que cela les reconforta; et encores que ledit seigneur de Brion fust homme de bien*, favorisé du Roy, si n'estoit-il suffisant luy seul pour asseurer une telle ville que Paris. Ce neantmoins ils avoient nouvelles que le duc de Vendosme venoit en telle compagnie que ledit Rouault estoit venu, chose qui leur donnoit grande asseurance tant pour les vertus et qualitez dudit personnage que de sa compagnie.

Les Anglois, après avoir pris et bruslé lesdites villes de Roye et Montdidier, estans advertis de la venue de monsieur de Vendosme, craignans que monsieur de la Trimouille vint, d'une part, et monseigneur de Vendosme, d'autre, et que par ce moyen leur armée fust affamée, délibérèrent de faire leur retraitte par Fervacques, à l'endroit que la rivière de Somme prend sa source, quatre lieues au dessus de Sainct-Quentin ; et en passant leur chemin bruslerent Nelle^ qu'ils trouvèrent abandonnée pour sa débilité. Le jour ensuivant prindrent le chemin de Ham, pensans trouver la ville despourveue, mais la nuict précédente le comte de Brene, surnommé de Sallebruce, estoit entré dedans avecques sa compagnie de cinquante hommes d'armes, et environ sept ou huict cens hommes de pied, ayans délibéré de garder la ville, car le chasteau n'estoit prenable a une armée qui se retiroit; les ennemis, voyans la place si bien pourveue, passèrent outre sans l'assail-

écuyer, gouverneur de Paris, qu'il défendit en 1465 contre Charles le Téméraire; il défendit également Beauvais en 1472 et mourut en 1478. Voir Mémoires de Commynes, éd. Mandrot, t. I, p. 16, n. 4, p. 18, 56.