Ms. : A Dieu, au pied de l'arbre

Avril-mai 1524] DEUXIÈME LIVRE. 315

Prospère Colonne à Villefranche sur le Pau, l'an mille cinq cens quinze, avoient empesché de fermer la porte de la ville. Aussi fut tué le cheval du vidasme de Chartres et celui du seigneur Dennebault*, son lieutenant, où le seigneur de Lorges, avecques si peu de gens de pied françois qui luy estoient restez, arriva si à propos que les ennemis furent contraincts d'eux retirer à la trouppe. Ce faict, le comte de Sainct Pol, après avoir passé la rivière avecques peu de perte, bailla l'artillerie entre les mains des Suisses, lesquels firent leur retraitte avecques icelle par le val d'Oste* et luy se retira par Turin jusques à Suzane^; entre Suze et Briançon, il trouva le duc Claude de Longueville avecques quatre cens hommes d'armes qui venoient à son secours, mais ce fut trop tard, car, s'ils fussent arrivez quinze jours plustost, ils se fussent joincts avecques les Suisses nouvellement venus, et lesdits Suisses eussent combatu, considéré qu'ils ne firent excuse de combatre, sinon sur ce qu'on leur avoit promis qu'ils trouveroient lesdits quatre cens hommes d'armes à leur descente à Ivrée. Autant en advint-il l'an mille cinq cens vingt-deux quand on envoya le secours de Gennes. Finablement, nous envoyons du secours, mais mal à propos, quand l'occasion est faillie, et ne laissons à y faire despence inutille : au moins je l'ay veu souvent advenir de mon temps.

1. Claude d'Annebault, baron de Retz et de la Hunaudaye, mort à La Fère, le 2 novembre 1553. Voir Brantôme, Œuvres, t. III, p. 205, 211.