William de La Pôle

portoit, s'embarqua, et s'en vint à refuge en Flandres, devers le roy dom Philippe, fils de l'empereur Maximilian et de madame Marie, fille du duc Charles de Bourgogne*, et son frère, qui estoiten Irlande, adverty de la fuitte de sondit frère, se sauva par mer au pais des Ostrelins, et de là en Allemagne ; le jeune fut mis prisonnier en la tour de Londres, où je l'ay encores veu en l'an mille cinq cens dixhuict, mais depuis il est decedé. Quelque temps après, le roy dom Philippe allant par mer de Flandres en Espagne, la tourmente le contraignit de descendre en Angleterre, où il fut recueilly du roy Henry septiesme honorablement, et mesme luy presta cinquante mille escus sur une fleur de lys^, laquelle a esté depuis rendue, par le traitté de Cambray, à l'empereur Charles le quint, pour la rançon de messieurs les enfans de France ; si est-ce que ledit roy d'Angleterre ne voulut permettre audit roy dom Philippe de sortir hors de son royaume, que premièrement il n'eust remis en ses mains le duc de Suffolc cy dessus mentionné, qui estoit en sa puissance dedans ses Pais bas; vray est qu'il promist audit roy dom Philippe de ne le faire mourir, ce qu'il ne feit ; mais à son trespas et dernière volonté ordonna à son fils le roy Henry huictiesme que incontinant luy decedé luy fist trencher la teste, chose qui fut exécutée^.