Trêve, du latin indutise

Mai 1522] DEUXIÈME LIVRE. 237

entreprise sur Gennes, ainsi qu'il feit. Et par ladite composition estoit permis à tout homme de porter vivres dedans Gremonne. Ce faict, le mareschal de Foix, par sauf-conduit , envoya un gentilhomme en poste devers le Roy, pour luy faire entendre ladite capitulation pour luy donner secours. Les choses ainsi passées et ostages baillez tant d'une part que d'autre, partit ledit seigneur Prospère avec son armée pour aller à Gennes, sur la persuasion de Hieronyme et Antoine Adornes 4 , Genevois et frères, lesquels luy avoient promis de mettre la ville entre ses mains. Or estoit gouverneur pour le Roy en ladite ville Octave Fregose, homme prudent et aymé du peuple, mais mal sain et non trop homme de guerre ; lequel, adverty du parlement de l'armée imperialle pour venir audit lieu en toute diligence, mist deux mille hommes en la ville, et n'estans en nombre suffisant, advertit le Roy de luy envoyer secours, parce que la part Adorne s'estoit joincte avecques les ennemis. Il fut trouvé un peu mauvais que le mareschal de Foix eust si promptement capitulé pour la reddition de Gremonne, parce que le seigneur de Montmorency, qui estoit à Venise, estoit sur le train de recommencer 2 la ligue avec les Vénitiens, mais estans advertis de ladite capitulation de Gremonne, qui estoit l'un de leurs principaux fondemens, d'autant qu'elle conserve leur pals, changèrent leur opinion et tournèrent leur robbe.

Prise de Gennes. — Le Roy, estant adverty de ce qu'il estoit advenu en Italie, tant de la routte de la

1. Antonio Adorno avait été gouverneur de Gènes pour les Français, puis avait passé au service de Charles-Quint. Il mourut en 1530.