Auxi-le-Château, sur l'Authie

Oct. 1522] DEUXIÈME LIVRE. 251

ment retourné d'Italie, ayant avecques luy les deux cens gentilshommes de la maison du Roy, avec pouvois dudit seigneur de demourer chef à Corbie, avenant que l'ennemy y vint, dont sourdit quelque différend entre ledit comte de Sainct Pol et le mareschal de Montmorency 1 , parce que ledit comte de Sainct Pol y estoit arrivé 2 avec pouvoir de monseigneur de Yendosme d'y demourer lieutenant gênerai, mais les choses passèrent par gratieuseté 3 . Le duc de Suffolc et le comte de Bure ayans passé jusques à Beauquesne 4 en espérance d'assaillir Corbie, considérons la provision de ladite ville, et voyans le temps si pluvieux, et tant de malades en leur armée, et l'hyver qui les pressoit (car c'estoit environ la Toussaincts mille cinq cens vingt-deux), après avoir bruslé Dourlan, et tous les villages circonvoisins, se retirèrent en Artois, puis donnèrent congé à un chacun : les Ànglois retournèrent en Angleterre et les Bourguignons en leurs garnisons. Sur leur retraitte, les comte de Sainct Pol et de Guise, advertis que à Pas 5 en Artois y avoit bon nombre d' Anglois 6 pour leur refreschir, les y allèrent surprendre, de sorte qu'il en demoura de morts cinq ou six cens sur la place 7 .

1. Sur ce conflit entre Montmorency et Saint-Pol, voir Décrue, op. cit., p. 30-31.

2. Ms. : le premier... pour y demourez chef et avecques luy y estoit le mareschal de Foix et le sieur Federic de Baugé, mais, etc.