Nesle et Ham, cantons de l'air, de Péronne (Somme

Nov. 1523] DEUXIÈME LIVRE. 299

lir. Le deuxiesme jour après, laissans Sainct-Quentin à leur main gauche, allèrent loger à Fervacques et le lendemain à Premont 1 , faisans contenance de vouloir assiéger le chasteau de Bohain, distant d'une lieue dudit Premont; toutesfois ce logis de Premont ne monstroit point que les ennemis vousissent assaillir Bohain, car il est sur le chemin de Bohain à Cambra y, où y avoit plus d'apparence qu'ils se vouloient retirer qu'assaillir la place. Mais le capitaine dudit Bohain sentant l'ennemy si près, n'ayant ceste considération, ne luy donna la peine de l'envoyer sommer, ains alla jusques audit Premont, et rendit le chasteau entre les mains du duc de Suffolc* et du comte de Bures, moyennant que luy et ses soldats sortiraient leurs bagues sauves. L'Ànglois, ayant laissé bonne garnison dedans ladite place, se retira en Artois et licentia son armée, et fut cela peu après la Toussaincts mille cinq cens vingt-trois, et environ dix ou douze jours après la Saint Martin 3 que les bleds gellerent presque universellement par tout le royaume de France; le seigneur de la Trimouille, sçachant l'ennemy estre retiré avant que monseigneur de Vendosme fut arrivé, marcha droict audit lieu de Bohain avecques six canons, dont il feit si furieuse batterie que ceux de dedans, se voyans sans espérance de secours, pour estre leur armée séparée, se rendirent. Ce faict, le seigneur d'Es-