Ms. : renforcer

314 MÉMOIRES DE MARTIN DU BELLAY. [Avril 1524

champ et le capitaine Bayar fut blessé d'une arquebouzade au travers du corps, lequel, persuadé de ses gens de se retirer, ne le voulut consentir, disant n'avoir jamais tourné le derrière à l'ennemy 1 . Et, après les avoir repoussez, se feit descendre par un sien maistre d'hostel, lequel jamais ne l'abandonna, et se feit coucher au pied d'un arbre, le visage devers l'ennemy : où le duc de Bourbon, lequel estoit à la suitte de nostre camp, le vint trouver et dit audit Bayar qu'il avoit grand pitié de luy, le voyant en cest estât, pour avoir esté si vertueux chevalier. Le capitaine Bayar luy feit response : c Monsieur, il n'y a point de pitié en moy, car je meurs en homme de bien ; mais j'ay pitié de vous, de vous veoir servir contre vostre prince, et vostre patrie, et vostre serment. » Et peu après ledit Bayar rendit l'esprit 2 et fut baillé saufconduit à son maistre d'hostel pour porter son corps en Dauphiné, dont il estoit natif.

Le seigneur Bayar estant mort, le comte de S.-Pol seul print la charge de la retraitte, en laquelle se feit autant de bonnes choses qu'il est possible pour si peu de gendarmerie qu'il y avoit, dont la pluspart n'estoient que sur courtaulx, comme il est prédit. Et entre autres, se feit une charge en laquelle fut tué le lieutenant de monsieur de SaincteMesme, nommé Beauvais le Brave, qui avoit esté l'un des deux, lesquels, à la prise de

i. La rencontre eut lieu le 29 avril, un peu à l'ouest de la Sesia, entre Lessona et Quaregna. Voir Y Histoire de Bayard (éd. Roman), chap. lxiv; Callamand, Du lieu où Bayard a été tué, Grenoble, 1892, et Molard, Documents inédits sur Bayard (1521-1524), dans le Bulletin historique et philologique du Comité des travaux historiques, 1897, p. 383.