Henry VIII, roi depuis 1509, mort en

empereur Maximilian *, à l'instigation et par la pratique du pape Jules susdit, faisoient grands préparatifs pour assaillir la Picardie; et de faict ils y firent un merveilleux effort; car iceluy roy Henry descendit avecques une armée de vingt-cinq ou trente mille hommes de pied et bon nombre de cavalerie, et le plus grand nombre d'artillerie qui avoit passé cent ans au précédant d'Angleterre deçà la mer, pour entrer en France 2 ; avecques lequel roy d'Angleterre se vint joindre ledit esleu empereur Maximilian et son armée, de sorte que les deux ensemble estoient nombrez à vn ou vin mille chevaux et xlv mille hommes de pied, tant anglois, allemans que hennuyers, car, de flamans et autres subjets du prince d'Espagne, Charles d'Autriche 3 , n'y en avoit aucuns : parce que ledit prince et ses pals estoient en amitié avecques le Roy, à cause que le roy dom Philippes 4 , son père, en sa mort voyant qu'il laissoit son fils Charles, dont nous ferons cy après mention en ces mémoires, aagé seulement de xi ans, et que le Roy, devant qu'il fust en aage (veu la légèreté des Flamans), se pourrait investir des Païs Bas, pour obvier à ce, il ordonna par testament 5 le roy Louis XII son curateur, et le Roy, par le consentement