Les Anglais

[Septembre 1627] DE BEAULIEU-PERSAC. 145

soustenir, en cas que nous fussions suivis des ennemis. Nous nous en revinsmes à nostre poste, ou nous demeurasmes assez longtemps, attendans tousjours les vents propres à nous conduire à la citadelle ^ lesquels nous furent tousjours contraires, ce qui nous ennuioit grandement, mangeans nos vivres et perdans nos gens.

Ce qui nous obligeast. Monsieur de L'Isle et moy, d'envoier devers Monsieur d'Angoulesme pour sçavoir ce que nous avions à faire, veu le temps et le peu d'apparence qu'il y avoit de pouvoir conduire nostre secours à la citadelle du lieu où nous estions. Il ne nous fit aucune response, ne luy, ne Monsieur de Marillac, remettans cela à Monsieur l'évesque de Mande^, lequel estoit arrivé à Nestré avec ordre du Roy et de Monseigneur le Cardinal de ce que nous avions à faire : lequel nous escript de nous en aller aux Sables d'Olonne^, et que là nous trouverions d'autres vaisseaux, chargez de ce qui estoit nécessaire aux assiégez, et que cela fortifieroit tant plus nostre secours : que, pour ce subjet, Monsieur le duc de La Rochefoucauld^, Monsieur de Nîmes ^ et luy s'en alloient aux Sables nous attendre^ : ce qui me fit