Luçon, chef-lieu de canton de la Vendée

154 MÉMOIRES [Octobre 1627]

d'intercéder et parler pour eux envers Monsieur le duc et Monsieur de Mande : ce qu'ilz firent. Je les attendois là, et leurs fis donner et remettre la vie, à condition qu'ilz l'emploieroient fidèlement et courageusement en cette occasion. Les juges et officiers de la justice des Sables me les amenarent liez et garrottez dans ma chambre, en me disant :

— Monsieur le duc de La Rochefoucaud et Monsieur de Mande vous envoient ces gens icy pour en faire ce qu'aviserez bon estre : leur vie est entre vos mains. Hz sont tous condampnez à la mort.

Lors, ilz se jettèrent tous à genouil devant mon lict, où j'estois très mal. Je leur dist ce qu'il me sembloit de leur lascheté, et leurs fis cognoistre leur faute. Hz estoient plus de six vingts mariniers, sans lesquelz tout nostre convoy estoit inutile. Ces Messieurs de la justice, qui sçavoient bien ce qui en devoit arriver, me dirent tous :

— Hz sont en vostre puissance ; leur vie ne dépend que de vous. Donnez-la leur, Monsieur ; ilz serviront le Roy fidèlement.

— C'est de quoy je doute fort, dis-je, si la fin n'est meilleure que le commencement. Néantmoins, si vous m'en asseurez. Messieurs, et qu'ilz vous jurent maintenant et à moy, soubz la charge duquel ilz sont et qui les commande en cette occasion, qu'ilz serviront fidèlement, très volontiers, je leurs remets la vie pour l'emploier à ce service, à condition toutefois que ceux qui y manqueront, ne seront pas absous de vostre jugement. Hz sont tous de ces quartiers et cogneus de vous. C'est pourquoy, s'il y en a aucun, soit maistre de barque ou matelot, qui ne fasse son devoir, vous

[Octobre 1627] DE BEAULIEU-PERSAC. 155

me promettez qu'en recevant mes plaintes, vous en ferez la justice?

Lors, ces Messieurs les regardèrent tous à genouils, tremblans, et leurs dirent :

— Que dites-vous à cela?

— Tous d'une voix dirent qu'ouy, et qu'ilz feroient si bien leur devoir qu'on ne seroit pas en cette peine.

Lors, je leurs remis la vie et, les aiant fait lever, je leur recommanday de crier : Vive le Roy. Ce qu'ilz firent avec grand allégresse.

— Mais, dis-je, avant que sortir de cette chambre, il faut que vous tiriez tous au sort qui demeurera le coulpable de vostre fuite : car il faut que quelcun meure pour servir d'exemple, puisque vous ne voulez pas nommer l'auteur.

Comme l'on faisoit les billets, il y en eust un qui dist qu'il ne faloit pas que les innocents pâtissent pour les coulpables, et que c'estoit véritablement luy qui avoit parlé le premier de s'en aller, et qu'il se soubsmettoit à la mort. Je fis donc reconduire celuy là dans la prison, ce qui obligeast tous les autres à me le demander avec de grandes protestations de faire des merveilles. Je le leurs promis, et leurs comanday de s'en retourner chacun à son bord, sans que pas un y manquast, et leurs dis qu'il faloit partir au premier vent qui nous seroit propre : ce qu'ilz m'asseurassent de faire tous. Et me priarent d'avoir pitié d'eux, me disans qu'ilz n'avoient pas un sou, et que ceux qui les avoient ramenez, leurs avoient tout osté. J'avois aussi peu d'argent qu'eux, car j'avois tout dépendu, et le mien et celuy de mes amis. Néantmoins, veu que peu de chose en ces occasions fait beaucoup, je priay

156 MÉMOIRES [Octobre 1627]

Monsieur le chevalier de La Fayette^, qui estoit lors aux Sables, qui équipoit un patache, de prester 50 escus, que je leur donnay. Ainsi ilz s'en retournarent tous à leur bord.

Le mesme jour, je receuz encore une lettre de Monseigneur le cardinal, qui me fut envoiée de IBrouage, par laquelle il me convioit de faire ce qu'il se promettoit de moy en ce secours, m'asseurant que l'honneur et le bien ne me manqueroient jamais. Je me suis aquitté de ce qu'il désiroit de moy, avec tout autant d'affection et de fidélité que jamais homme aura à l'exécution de ses commandements. Je suis encore dans l'attente des effects des paroles de mondit seigneur. Il en sera ce qu'il luy plairra. J'ay encore ses lettres, les aiant laissées, lors que je partis pour aller à la citadelle, entre les mains d'un de mes amis, craignant de les perdre avec tout le reste que j 'a vois.

J'estois tousjours au lict très mal. Néantmoins, j'avois commandé à nos maistres des traversiers et pilottes que, dès que les vents se tireroient au naurouest, ilz me vinssent avertir, par ce qu'il ne faloit perdre un quart d'heure de temps.