Qui courait la bordée de terre

se mist après luy, mais le vent au levant estoit si fraiz et le vaisseau alloit tellement à la bournie * qu'il ne luy fut jamais permis de l'approcher, bien qu'il le chassast sept ou huict milles.

Ayant donné fonde ^ audit Ribaudas, le lendemain sa garde descouvrit un autre vaisseau au grand Frieu d'entre Porcairoles^ et Baigneau à six ou sept milles au large de terre, il luy donna la chasse; et le vaisseau, le voyant venir à force de voille et de rame, commença à faire force de toutes ses voilles, tirant par Midy et Syroc, et estant un peu plus advancé, il luy quitta la lanche qu'il révoquoit^ pour faire plus grande diligence, laquelle fut recouverte par le mesme bateau qui suyvoit ledit sieur de Beau-lieu.

Estant donc à trente milles à la mer hors des isles et se voyant ledit sieur de Beau-lieu à la portée d'un mousquet, n'ayant voulu jusques là permettre à ses canoniers de tirer, se tenant tousjours sur le canon de coursier, comme s'est sa coustume en tous combats, appointant le plus souvent luy mesme le canon, il leurs donna lors congé de faire jouer le canon, dont la batterie dura environ six heures, s'esloignant tousjours jusques à septantes milles à la mer.

Ayant cependant ledit sieur de Beau-lieu apprins par quelques uns des siens que la pouldre commençoit desjà à manquer, voyant la nuict approcher et le vent se rafraischir, selon l'opinion du rais appelle Soliman, renégat Rochelois, se résoult de le faire couler à fonds, ne voulant avoir la honte de le perdre, et en fin en vint à bout : il y coula donc avec la plus grande vistesse qui se puisse dire,