Gouverner grand largue dessus

40 MÉMOIRES [Juin 1609]

nuict nous ne parlassions à luy, nous saluant d'un très bon accord de trompettes.

Je luy fis commandement d'amayner : ce qu'il ne voulust faire, de sorte que je l'engarda partie de la nuict, pensant le combattre le lendemain, car sans doubte c'estoit un larron. Je le tenois de longueur de navire et le veilla jusques à une heure après minuict. Je remis la garde du dict navire à mon lieutenent, qui me le laissa eschapper de crainte de combattre. Je luy avois dict qu'il m'en rendist compte le matin, qu'il vueillast* un peu et qu'il n'y avoit plus que deux heures jusques au jour, et que justement nous l'aborderions à soleil levé. Je me jetta sur mon lict pour dormir une heure. Mais, durant si peu de temps, ce perfide me fist perdre ce navire et fist changer la routte et nous séparer de luy, de sorte que, me resveillant sur les trois heures, je croyois trouver ce vaisseau soubz vent de nous comme je l'avois laissé et en pensois ordonner l'abordage, comme je vis que la laschetté de mon lieutenent le m'avoit laissé perdre.

Je ne l'ay jamais veu depuis. Je fis mettre ceux qui estoient de garde au timon ^ à la chaisne, pour sçavoir qui avoit changé la route et qu'estoit devenu ce navire. Hz me dirent que c'estoit le capitaine Hautefort^ qui leur avoit commandé de mettre le cap par