Mirabello, au nord de Pavie, à environ trois kilomètres

1525] DE FLORANGE. î!5

senechal d'Arminacque Gallioth, maistre de l'artilleriez, logez assez près de lui, et les lantskenecht de l'aultre costé, tirant vers la muraille du parcque; et furent trois jours en cest estât, avecque Tartillerie, qui estoit le nombre de soixante grosse pièces, sans fortiffication nulle, et que jours et nuicts trois ou quatre escharmouches, etsyn'avoyent poinctde pionniers pour faire ledict fort. Touttesfois, quant TAventureulx vit que cela estoit fort mal à son advantaige, il fît tant avecque les Suisses qu'ilz luy prometterent de besongner avecque quelque argent qu'il luy donneroient, et aussy (ju'il voyerent que la chose estoit nécessaire ; et, de cas d'adventure, il y avoit deux ou trois charioth de piccjues et de hoyhaulx et semblables oustilles avecque le maistre de Tartilleriez quy vindrent grandement bien à propos à mons*" l'Adventureux et aulx Suisses pour faire le fort qu'il fièrent, qu'il fut très beaulx et fut mys en deffence en xiiij heures, plus que deux archiers n'eussent ceulx tirer, et y estoyent ordinairement ouvrant ung xv*" hommes; pour ce premier jour les Suisses le fièrent après mille Savosiens qui besongnoyent continuellement, tant qu'il eurent parfaict ledict ouvraige. Gela faict, je vous asseure que ce fut ungne merveilleusse force pour le camp, et l'artillerie qui estoit mise tout au loing qui faisoit une grande force. Et quant et quant l'Adventureulx fit faire ungne platte forme en son logis, là où povoyent tirer cincque quennons de frons qui povoyent battre par tout le camp de l'Empereur à veue et povoit choisir quelques tentes, et povoit avoir dedans le campz des Espaignolz qui estoit prest à mectre l'artillerie dessus le jour de la bataille, qui veoit bien le marquis de Pesquiere, qui

estoit logiez vis à vis, qui leur fit advancer de donner la bataille, comme il disoyent.

Le Roy venoit tous les jours au logis de TAdventureux, pour ce que c' estoit ung lieu de là où en veoit tout le camp de l'Empereur, et aussy on venoit souvent prendre son vin et aussy faisoyent tous les princes et chiefs de l'armée, et, ung jour entre les aultres que l'Adventureux et le Roy estoyent tout hault au planchier, là où il regardoyentet appercevoyent bien .l'artillerie des Espaignolz s'apprester et affuster et mettre en ordre, là où l'Adventureux faisoit sa platte forme et descendit et monte à cheval, et ne fust pas sy tost à cheval que l'artillerie commença à tirer à l'endroict du logis pour ce que le guet des Suisses, tant de jour que de nuict, y estoit l'artillerie à tirer et tuer le Roy, et vint donner à travers de ceste grosse trop de Suisses qui estoyent en bataille, pour ce qu'ilz avoyent dressez l'escharmouche, et ne sçavoyent on qu'ilz voulloyent faire, car elle estoit grosse et rude, car il y a voit plus de iiij mille hommes de piedz et v"" hommes d'armes de chascun costé, qui n'a gaires estez veu par cy devant sans bataille escharmouche sy grosse. Et donnèrent iiij voilées d'artillerie dedans lesdys Suisses qui estoyent de v milles en bataille et emporta bien xxv ou XXX et cuida bien faire ung merveilleux dommaige à tous les gens de cheval qui estoyent là, où vous asseure que tout soudain leur fut bien rendus, car toutte l'artillerie du Roy commença à tirer, qui leur tua beaulcoup de bons personnaiges, tant de cheval que de piedz, et fut sur le soir environ les quatre heures. Et de là en avant ne furent plus sy chault de venir veoir le logis de l'Adventureux qu'il avoyent esté; car il y avoit de

nuict et de jour tousjours ungne xx* de quennons qui tiroyent à travers de son logis ou bien près, tellement qu'il y avoit du jour de la bataille plus de cent boules de quennons, qu'il en faisoyent leurs chenettzs à mettre le boys au feu et leur bans et scabelles; mais, à la fin, ne peuirent sy bien batre, pour ce que la platte forme (ju'il avoyent faict faire le couvroit.

Sy les Espaignolz faisoyent leur debvoir de bien tirer, aussy fièrent ceulx de la ville, car il fièrent merveilles de tirer du costez du logis du Roy et au demourant du camp des Suisses, et y fut affoliez beaulcoup de gens. L'escharmouche de nuict et de jour ne failloit jamais, et venoyent souvent jusques à l'artillerie. Et aussy alloit on à eulx et avoit l'Adventureux à son logis de combatz, et aussy avoyent les Grisons et lantskenecht, mais non pas tant, nonobstant qu'ilz furent assaillis dedans leur fort plussieurs foys ; touttesfoys, il fièrent très bien leur debvoir et les repoulsserent, de telle sorte qu'il y perdirent tout plain de gens. Il y avoit ung lieu près de l'Adventureux qu'il avoit faict commencer, qui estoit ungne cassine brullée, là où le Roy avoit bailliez à l'Adventureux deux enseigne d'Italliens pour mectre dedans ladicte cassine, et le chiefz de eulx s'appeloit le capitaine Lazar, qui estoit ordonné pour faire ce que l'Adventureux luy commanderoit ; et fièrent très grandement bien leur debvoir, car il eurent plussieurs assaulx et escharmouches qu'ilz repoulsserent avecque l'ayde de l'Adventureux et des Suisses, qui les soustenoyent un peu plus oultre.

Et avoit l'Adventureux une aultre aussy commenciez à fortiffier, là où estoit avecque mille hommes de

piedz et le capitaine, qui estoit venus de Milan avecque forces hac(juebuttes ; mais il n'estoyent poinct gens de guerres, et avoit nom le capitaine Marcque Anthoine. Les Espaignols y fièrent une escharmouche qu'il furent repoulsez, pour ce qu'ilz estoyent peu de gens. L'aultre nuyct après, il y vindrent fort et ne leur fut possible, quelque fort qu'il eussent, de soustenir le faict desdictz Espaignolz, avecque ce que leur capitaine n'avoit guaires oublye de la guerre, car il n'en sceut jamais beaulcoup. Il furent prins d'assault et tous hachez en pièces, ung iiij*" hommes et ses gens, car il y avoit mys ung nombre de gens de cheval, là où se povent saulver, qui tuèrent la plus grande partie de eulx. Et estoit assez loing l'Adventureux de eulx et les Suisses pour leur donner secours sy soudain ; et avoit ung grant chemin creuz qu'on n'y povoit venir de course, là où à l'endroit estoit le guet des gens de cheval françoys qui fit mal son debvoir de les secourir. Et de là les Espaignolz hors passèrent ledict chemin pour venir donner au logis de l'Adventureux, où estoyent les Suisses, là où il vindrent jusques à l'artillerie, et avoyent sy grand nombre de hacquebutiers qu'ilz ennuyoit fort aulx Suisses et, sans poinct de faulte, furent repoulssez, car il y avoit des Espaignols bien xij'' sur les bras de l'Adventureux comme il venoit fille à fille à ladicte armée, lequelz les fit retourner, en attendant que la grosse bende y fut. Et, entre aultres, il y avoit ung gentilzhomme qui avoit non mons' d'Espoy, car lui avecque quelques Suisses, quant il veyt l'effroict, et aultre capitaine suisses qui avoit non Ghalcemet, poulserent dedans et fièrent de telle sorte qu'il s'en retournèrent, et en demoura desdys Espaignolz

des mors, des prins et de blessiez. Et fut blessez mous' d'Espoy, tant aulx cuysses que aulx bras, de ciucque coup de hacquebutte, et aussi le capitaine Chalcemet. La gensdarmerie s'assambloit et aussy taisoyt tout le monde : par (|uoy il se retirèrent. Et fut menez mons' d'Espoy à Vigeve et aussy fut le capitaine Chalcemet, filz du senechal de Lyon, car il estoit honneste gentilhomme et estoit tousjours avec l'Adventureulx. Et, pour vous dire la façon des Suisses et vous donner mieulx à entendre, la coustume est que, (juant il sont à la guerre, de mectre ceulx des villaiges à part, (]ui sont les haulx quentons, et ceulx des villes sont les bas, tant pour faire les guet que les batailles; et jouent aulx dez lesijuelz iront devant ou derrière.

Deulx jours après, y eult ungne belle escharmouche dresseez, là où fut blessiez Miradel, maistre de l'artillerie et chiefz de l'artillerie en l'avant garde, d'ung coup de hacquebutte en la cheville du piedz, et fut menez VigeveS là où il ne vesquit que trois jours, dont fut dommaige, car estoit un gentilz homme et gentilzcompaignon.

Il fault parler un peu de ceulx de la ville, qui fièrent ungne saillie sur les gens de Johannes de Medicis^, qui tenoyent assiégée la ville du costé de Sainct Lafrancque, là où les lantskenecht soulloyent estre, et fièrent leurs saillie environ trois heures après mydy et la fièrent sy bien qu'il tuèrent iij ou iiij"" hommes de hacquebutte, deux enseignes, car il les prindrent à demy en desordre : ce faict, il se retirèrent, et en