De la Guiche

2. Du Bellay note que le bâtard de Savoie mourut prisonnier (du Bellay, éd. Bourrilly et Vindry, t. I, p. 357).

estoyent il dedans Millan mons' le cardinal de Lorraine et son frère mons'" de Vaudemont, malade, et mons"^ de Chaudion, grant prevost de la justice, et mons*" d'Aubigny, capitaine des franc archiers ; et avoit quelque gensdarmerie avecque eulx. Toutte incontinent qu'il sceurent la perte de la bataille, mons' Chaudion, qui estoit capitaine de la justice^ fit sonner la campanne de feste, qui est une cloche auprès du Donne, que quant quelques bonnes nouvelles viengnent on la sonne. Gela abusoit le peuple, et pensoyent qu'il futvray, cryoyent : « Victoire! » Et, entre ces entrefaictes, montèrent à cheval et troussèrent leur bagaige et se partirent tous au meilleur ordre qu'il peulrent, se saulverent et s'en retournèrent en France. De quoy on fut bien joyeulx, car c'estoyent gens de bien et pour bien servir, se quelques affaires fut sourvenuz.

1. Sébastien Moreau, dans sa relation de la bataille de Pavie, ne parle pas de cette ruse de Chadion; il dit que les Français quittèrent Milan sans attirer l'attention des habitants : « Le dit Chandion, capitaine de la justice de Millan, cy dessus nommé, le gênerai et trésorier de Milan, aussi capitaine, gens de guerre et autres, aussi le seigneur Theod. de Trevolce, furent advertis incontinent de la désolation nouvelle et prinse du Roy. Lesquels, sans sonner trompectes et labourins, se amassèrent eux et leurs bagues, chevaulx et harnois, le mieulx qu'ils purent, à une porte nommée la Porte Romaine, en laquelle ils s'assembloient trestous, et là chascun monta à cheval et surprirent ledit seigneur Theod. de ïrevolce, qui print le chemin de Galleras, sans avoir mal ny desplaisir desdicts Milannoys, et allèrent coucher audit Galleras, auquel lieu ils arrivèrent environ minuyct » (ChampoUion-Figeac, Captivité de François P\ p. 81). Du Bellay dit seulement que Théod. Trivulce et Chadion, avertis en temps, se retirèrent avec leurs gens (du Bellay, éd. Bourrilly et Vindry, t. I, p. 357).

Comment l'Adventureux, Loys mons^ de Nevers\ mons^ de Saincte et aultres furent menez à ung chasteau auprès de Pavie, nommé Beauregard, et mons" de Sainct Pol et Frederyc de Beaulge^ au chasteau de Pavie, et le roy de Navarre à Millau; et de ce qu'il fut faict de la pluspart des prisonniers et du maulvais tour que les lantskenecht cuyderent faire au vicheroy de Naples.

Le vicheroy et tous les capitaines estant au chasteau de Pavie ne sçavoyent bonnement qu'il debvoyent faire de tant de prisonniers et adviserent entre eulx d'en laisser aller la plus grande part; et furent renvoyez iiij mille Suisses à qui il fièrent bailler conduicte, mais les villains en passant leur fièrent maulvais partiez, et les fièrent conduire par quelques gens Espaignols, mais il n'y peulrent mettre remède. Aussy furent mys tout plain des gens à rençon, et de gros personnaiges, lesquelz mons'" de Bourbon fit conduire et les conduysit luy mesme une lieux hors de Pavie, tellement tout s'en retournit à sauveté en France et en demourit peu de prisonniers, sinon les plus groz personnaiges. Ce temps que ces seigneurs estoyent au chasteau de Pavie, il y avoit tous les jours des groz conseille, et avoyent merveilleussement à faire à contenter^ les lantskenecht, et principallement ceulx qui

1. Louis de Clèves, comte d'Auxerre, fils d'Engilbert de Clèves et de Catherine de Bourbon.

2. Frédéric de Gonzague, sieur de Bozzolo et de Beaugé, capitaine d'une compagnie de gens d'armes. Il mourut en 1527.

3. Il était dû plus de 600,000 ducats aux troupes de Charles V. Voir Mignet, Rivalité de François P' et de Charles F, t. II, p. 94.

avoyent tenuz la ville de Pavye, à qui il estoit deue xiiij moys, et cincque moys à ceulx que inons' de Bourbon avoit faict venir, qui estoit le nonnbre de plus [de] XXV mille payes, sans la gensdarmerie à laquelle on debvoit deux ans, et aulx «^ens de piedz espaignolz sept moys. Vous asseurant que pour bien contenter cela, il failloit ungne merveilleuse chevance et avoyent bien affaire à en trouver. Il les voulloyent contenter par belles paroUes, mais il n'estoyt pas possible et vollurent estre payez-, et commencèrent à ceulx de Pavye, pour ce que c'estoit la plus ancienne depte, et qui avoyent le mieulx servyt et les tiendrent huyct jours pour les contenter, mais il estoyent fine gens de guerres et ne vollurent poinct entendre cela, aussy ne fièrent les capitaines qui en avoyent la charge : tellement (jue ung jour se mutinèrent et vindrent entrer dedans le chasteau de Pavie à ung poinct du jour, car il avoyent la ville avecque le chasteau et Tartillerie en gaige, tant qu'ilz seroyent payez. Et aussy vindrent entrer dedans le chasteau, là où estoit le vicheroy et tous les princes, et se misrent en batailles au millieu de la place du chasteau qui est merveilleussement grande et misrent gardes au portes, laissant entrer qu'il voulloit, mais nulles ne povoyt saillir, et tenoyent ces princes aussy comme prisonniers ; et estoient en leur chambre et le conseille des seigneurs estoit en la chambre du marquis de Pes- (|uier, et trois [jours?] devant s'en estoit allez mons' de Bourbon à Millan pour quelques affaires aveccjues Maximilian. 11 y alloit souvent ambassadeur dudict conseil dedans la ghemanie desdys lantskenecht, et les principaulx ambassadeurs estoit mcssir George de Fronsberghe et March Scitich, nonobstant qu'il n'en

1525] DE FLORANGK. 249

fussent poinct chiefz, mais pour ce qu'ilz con^iioissoit leurs condition. Il sambloit au vicheroy et aulx conseilz qu'ilz aurroyent un^ peu de patience pour l'amour de culx, laquelle chose ne peuirent obtenir; et se commencèrent à mutiner grandement et volloyent avoir leur payement comptant, et commencèrent à faire ung lymasson tous de hacquebuttiers et tirèrent l'espace d'ugne heure, qui estoit pour donner à congnoistre qui voulloyent estre payez. Il demeurèrent ainssy trois ou quatre heures et voulloyent tuer tous les capitaines, mcisme messir George de Fronsberghe qui alloit en ambassade de l'ung à l'aultre, et de telle sorte qu'il partirent v*" hommes de la troppe, par l'ordonnance de eulx tous en gênerai, et vindrent à travers du logis droictement où estoit le conseil, comme rabys et désespérez, et estoient en deux bendes, l'ungne partye estoit et vint au logis du vicheroy, et l'aultre au logis du marquis de Pesquiere. Et vindrent passer au logis de l'Adventureulx, qui eult grande paour, pour ce qu'il sçavoyent bien qu'il avoit estez capitaine gênerai des Suisses et l'avoyent menassez plusieurs fois, et le cuiderent trouver en sa chambre, mais il estoit chachiez en une petit ghice tout en hault avecque l'ambassadeur du Pape et de Venize et quelques aultres gens délibérez de se deffendre se on les assailloit. Il commencèrent à parler alleman pour ce qu'ilz entendoyentlelangaige, et leur disoyent qu'il avoyent raison de faire ce qu'il faisoyent, car il estoyent cause de la bonne fortune : et ainssy se contentèrent, et eschappit l'Adventureulx et les aultres par belles parolles. Et de là s'en allèrent tout droict en la chambre du marquis de Pesquiere, là où il pensèrent trouver le vicheroy, mais il s'en estoit

allez dedans ung grenier au dessus de la chambre dudict marquis de Pesquiere, là où il l'allerent quérir et Tammenerent en bas au ghemanie ; et en allant et en venant, pillèrent touttes les cuisines du vicheroy et de ceulx qui estoyent là dedans, et mengerent et buverent tout ce qu'ilz peulrent trouver, ostez celle de Anthoine de Levé pour ce qu'ilz estoit bonne homme et qu'ilz ne leur avoit rienz promys qu'il ne leur avoit tenuz, et l'appelloyent maistre Anthoine. Ainssy, comme je vous dys, commencèrent [par] le vicheroy de Naples et l'ammenerent assez rudement dedans la ghemanie, et là fut force qu'il accorda tout ce qu'il demandoyent, et en eurent sy bon ostaiges et pleisges qu'il en furent depuis payez : et ce faict chascun s'en retourna en son logis et estoit desja bien mydy quant la chose fut fallie. Après ces choses regardèrent tous ensamble de se retirer à Millan et ce qu'on feroit des prisonniers. Et fut regardé d'envoyer le roy de Navarre au chasteau de Millan, là où il fut honnestement traictée, car il estoit prisonnier du marquis de Pesquiere (au moins ceulx de sa chambre l'avoyent prins) ; et fut regardé de mettre mons"" de Sainct Pol et Frederich de Beauge dedans le chasteau de Pavie. Loys, mons"" de Nevers, l'Adventureux, mons' de Saincte, La Roche du Maine et mons'' Bertigny furent envoyé à ung chasteaulx qui s'appelle Beaulx Regard, à six mille de Pavie, là où il y avoit de bonnes honnestes dames qui leur furent fort duysables, car les Espaignolz les laissoyent mourir de fain, et leur fut force toutte la keresme menger chair, et furent là la plus grande part de karesme en ce dict chasteau de Beau Regart.

Comment l'Adventureulx et Loys, mons^ de Nevers, furent mandé pour aller à Millan^ devers le vicheroy; et comment mons' de Saincte mourut; et comment mons^ du Reux vint de par l'Empereur vers le Roy, et ce qu'il luy dict, et de la responce que le Roy luy fit.

Le vicheroy sceut comment mons' de Saincte estoit fort malade au Beau Regard, et ayant doubte que l'Adventureulx et mons'^ de Nevers n'eussent mal aussy, les envoya tous deux quérir pour estre à Millan avecque luy : là où il furent loj^iez au logis de Anthoine de Levé et fasoyent bonne chiere par la ville à leurs vielles congnoissance. Et dict TAdventureux ungne chose fort estrange, car quant le Roy estoit leur maistre, il hayoent les François comme poison, et après qu'il furent tous deffais, ilz leur faisoyent la meilleure chiere qu'il povoyent et leur monstroyent toutte amitié, mais l'on dict qu'il n'ayment jamais leur supérieur.

Tousjours après eulx estre là, nouvelles vindrent à l'Adventureulx et à La Roche du Maine qui estoit à Beau Regard, que mons"" de Saincte* qu'il avoyent laissiez mallade estoit mort, et en fut tout le monde bien marrys, car c'estoit ung bon gentilzhomme et des plus plaisant qu'on on eult sceu veoir et homme qui parloit le mieulx du monde.

Huyct ou dix jours après cela arriva mons' du Reux^, lesquelz on avoit longtemps attendu, mais il estoit

1. Michel de Poisieu, seigneur de Sainte-Mesme. Voir du Bellay, éd. Bourrilly et Vindry, t. II, p. 16.

2. Le seigneur de Rœux arriva à Pizzighetonne à la fin d'avril.

retardé en France avecque madame la Régente, mère du Roy, où on luy fît merveilleusement grande chiere et à toutte sa compaignie, pour ce que c'est ung homme bien aymée et bien prisée et bien aymée de son maistre. Et vint descendre tout droict chiez mons"^ de Bourbon, qu'ilz luy fit bon recueil et grande chiere, et Taymoit de tous temps, car ce fut luy qui fit les menées pour le tirer au service de l'Empereur, et vint iij ou iiij foys en France en habit dissimulée, tant en paix comme en guerre, parler audict seigneur de Bourbon. Incontinent luy venuz, allit devers le Roy à Pissiquiton, et ne sejournit que ung jour à Mil 1 an, car la principal le cause pourquoy il estoit venu c'estoit pour parler au Roy de par l'Empereur, laquelle chose il fit. Et ce jour là partirent mons'" de Bourbon et le vicheroy et mons^ du Reulx pour y aller eulx trois ensamble, et allèrent en ce jour là couchier à Lodes ; et debvoit le vicheroy mener TAdventureulx et Loys, mons'^ de Nevers, avecque luy pour veoir le Roy, mais depuis qu'ilz eult parlé au s"^ du Reulx il ne le voullut poinct et demeurèrent à Millan, et allèrent lesdys seigneurs à Pissicjuiton devers le Roy, lesquelle leurs fit très grande chiere. Et incontinent l'arrivé de mons*" du Reulx, dict au Roy qu'il avoit quelque chose à luy dire de par l'Empereur avecque ses recommandations; à quoy le Roy respondit qu'il fut le tresbien venu et qu'ilz les orroit voluntiers. Et se retirit en sa chambre, mons" de Bourbon et le vicheroy avecque luy ; et commença à dire mons*^ du Reulx que l'Empereur se recommandoit bien fort à luy et qu'il estoit bien marrys des gens de biens demeurez à la bataille, et bien ayse de sa fortune, et qu'il l'avoit prisonnier, et qu'il ne [se] soussiaz

de riens, et qu'il auroit bonne prison, et qu'il le traicteroit bien, et luy prioit avoir patience comme il estoit assceuré qu'il sçarroit bien taire. Et luy dict de par l'Empereur, atïin qu'il ne fût pas là sy longuement, que sy luy voulloit rendre la duché de Bourgoingne, qu'ilz sortiroit dehors, et à mons" de Bourbon ce qu'il luy appartenoit, qui estoit les deux principalles articles avecque aultres petites demandes, mais ces deux estoyent les principalles.

Le Roy luy fît responce que\ touschant mons"" de Bourbon, il estoit son subject et son vassal, et quant il luy vouldra respondre pour ces affaires, il luy fera respondre par ung de [ses] serviteurs, sans en prendre la paine ; et touchant le cas de l'Empereur, mais que mons' de Bourbon soit hors de la chambre, il en respondroit, car il n'estoit poinct de son conseil et ne voulloit riens dire devant luy. Laquelle choze ouye par le seigneur de Bourbon fut bien peneulx et honteux et saillit hors de la chambre. Et fît le Roy responce à mons' du Reulx qu'il remercioit l'Empereur de sa bonne volunté qu'il avoit envers luy et qu'il creoit que l'Empereur feroit de luy tout ainsy que luy feroit

1. D'après du Bellay, le roi aurait fait à M. de Rœux la réponse suivante : « Je suis raarry de quoy l'Empereur vostre maistre vous a donné la peine de venir en poste de si loing pour ra'apporter articles si déraisonnables; vous lui direz, de ma part, que j'aymeroie mieux mourir prisonnier que d'accorder ses demandes, luy faisant entendre que mon royaume est encore en son entier; lequel, pour ma délivrance, je ne vueil endommager; et s'il veult venir à traittez, il faut qu'il parle autre langage » (éd. Bourrilly et Vindry, t. Il, p. 7). Le récit de Florange est plus simple, moins apprêté, mais plus savoureux, surtout au sujet de l'attitude du roi vis-à-vis du connétable.

de l'Empereur s'il l'avoit entre ses mains, et quant il le vouldroict mettre à rençon comme les roys de France ont estez par cy devant, et comme la raison le veult et que honnestement se doibt faire, sans faire [une chose] forcée, il le trouveroit raisonnable ; mais de faire ungne chose forcée, comme de rendre la duché de Bourgoingne, qu'il creoit que ces prédécesseurs estoyent sy gens de biens et de bonne conscience qu'il ne l'eussent pas tenus ce elle n'eust estes à eulx, et de la rendre que sans poinct de faulte il ne le feroit poinct et qu'il demoureroit plustost tout le tamps de sa vie là où il estoit : « Et croy, dict le Roy, mons"" de Beaurains, que vous pensés avoir bien dict, et que l'Empereur qui vous ayme vous aist donnez quelque bonne commission; vostre ambassade n'est pas [si] grande que ung mendre personnaige [l'eût] bien faict ; et croy que vous estiés bien de prendre la commission de moy dire chose qu'il ne m'eut gUaire plut, et par ainsy je vous en dis des aultres pour dire à l'Empereur, lesquelle comme je croy ne lui plairont guaires. Et faictes mes recommandations bien fort à luy et lui porterés les lettres que je vous bailleray et qu'il ne tiendra que à luy que nous ne serons les deux meilleurs frères et amys que jamais furent et que les choses ont estes mal entendues des deulx costez. »

Le Roy escripvit ungne lettres à l'Empereur fort honnestes; aussy faisoit il tous les jours par ceulx qui y alloyent. Et ce faict s'en retournèrent ses avant dictes seigneurs à Millan, là où il trouvèrent le marquis de Pesquiere et Anthoine de Leva et Maximiliain ; et estoit avecque eulx ung ambassadeur que madame Margueritte, madame de Sçavoye, avoit envoyé, nommez l'es-

cuyer Bresille, lesquel incontinent qu'elle sceut la deftbicte de la battaille elle envoy devers le vicheroy et l'Adventureulx à qui il dict plusieurs choses. Et durant ce tamps furent tenuz des groz conseille pour les affaires de l'Empereur; et fit tant l'Adventureulx, avecque Fayde de mons" du Reulx et de ses amys et avecque la bonne poursuytte, qu'ilz luy fut accordé d'aller tenir prison avec(jue madame de Sçavoye, es pays de Flandres et Brabant; et fut despechiez ledict Bresille pour retourner vers madame de Sçavoye par les(|uelle le vicheroy l'advertit comment l'Adventureulx estoit prins et qu'il luy envoyoit.

Comment mons" de Bourbon^ le vicheroy de Naples, le marquis de Pesquiere, Loys, morts" de Nevers, et l'Adventureulx allèrent veoir le Roy à Pissiqueton et de ce qu'il y fut faict. Et comment l'Adventureulx vint en poste d'itallie passer par le reaulme de France, et du recueil que madame la Régente, mère du Roy, luy fit à Lyon.

Après avoir faict beaulcoup de despeches pour les affaires de l'Empereur, qui estoyent grosses, car il estoit forcé de recouvrer argent là où il n'en y avoit, car les gens de guerres n'avoyent receu en ung an de l'Empereur que cent mille escus, comme ont confessé à l'Adventureux mons' de Bourbon et le vicheroy. Et recouvrèrent, que par amour d'Itallie que par crainte, vj*" cinquante mille escus, et les debvoyent aulx gens de leur armée [et] d'advantaige, car la gensdarmerie ne fut poinct encoires payés, et leur fist on prestaiges de quelque argent. Gest journée, quant ce vint sur le soir.

après disner, mons' de Bourbon vint veoir le Roy et luy fit le Roy nneilleure chiere qu'il n'a voit accoustumée, car il estoit ainssy eonclud, et furent longtamps pourmenant ensamble et devisèrent de beaulcoup de choses, et, sans poinct de fault, il y avoit longtamps qu'il n'avoyent devisez ensamble. Pour ce jour, il se retirèrent après avoir jouer aulx billes le Roy et l'Adventureux contre mons"" de Bourbon et mons*^ d'Egmont. Et, en trois ou quatre jours qu'il furent, despecherent beaulcoup des affaires, car tous les jours estoyent en conseil ; et fut regardé de faire la despeche du seigneur dhon Hughes de Moncard pour aller devers l'Empereur, et là fut faicte le change de luy et du marischal de Montmorensy*; et fut ainssy eonclud du retour du marrischal de Montmorensy en France, et aussy de l'Adventureulx vers madame la Régente, mère du Roy, pour s'en aller en poste et soy aller rendre devers madame de Sçavoye et de tenir prison là où elle luy ordonneroit, l'adseurant qu'il seroit très bien traictiez et que si ladicte dame le vouUoit renvoyer devers luy qu'il y seroit en dedans les six sepmaines après.

L'Adventureulx ayant prins congiez du Roy, qui fut à ung merveilleux et grant regretz tant du maistre que du serviteur, ayant lettres de luy à madame la

1. Le maréchal de Montmorency, fait prisonnier à Pavie, fut échangé contre Hugo de Moncada. M. Décrue, qui ne connaissait pas ce passage de Florange, s'était élevé contre cette idée, adoptée par Mignet, et s'appuyait sur le fait que François I*^'" s'était porté garant de la rançon de 10,000 écus que Montmorency devait au capitaine Herera (Décrue, Anne de Montmorency, p. 54); mais Florange, témoin du fait et généralement très véridique, est ici très affirmatif.

Régente sa mère escript touttes de sa main de créance, aussy prins congiez du vicheroy et de toutte la seigneurie et monta à cheval et allit en poste, et n'y fit ce jourlàpoinct grant treicte. De là s'en allit à Pavie veoir mons' de Sainct Pol et Frederyc de Beaulge dedans le chasteau de Pavie, qui furent joyeulx de sa venuez, et luy devisa mons' de Saincte Pol beaulcoup de ses affaires, et escripverent tous deux, le s'^ Frederych et luy, à madame la mère du Roy et à mons' de Vendosme qui estoit son frère; et retinderent TAdventureulx près de demy jour et ne le povoyent laisser aller. Et partyt de là et vint ce jour mesme couchier à AUexandrie. Le lendemain passit par Moncaillier au matin, là où il eult nouv[eIl]es de mons"^ le duc de Sçavoye et de madame sa femme qui eussent bien vollu qu'il eult passez par devers eulx, mais il n'estoit possible pour la haste qu'il avoit et vint ce jour couchier près de Suse ; et lendemain vint couchier près de Ghambery et passit le Mont de Cenis. Le lendemain vint à Lyon, devers madame la mère du Roy qu'il luy fit merveilleusement bonne chiere et bon recueil, et fut fort ayse de sa venue et de ouyr nouvelles de son filz, et vous asseure que ce ne fut sans plourer elle et sa fille ; et estoyent bien ayse de oiiyr et sçavoir des nouvelles de par l'Adventureulx, car il adjoustoyent grant foy en luy, nonobstant que le marrischal de Montmorensy fut arrivez quatre jours par avant, mais elles estoyent bien ayses d'en avoir fresches nouvelles. L'Adventureulx trouva beaulcoup de ses bons amys, conune mons"" de Vendosme et plusieurs aultres seigneurs, principallement le conte de Brayne, son beau frère, qu'il luy fièrent merveilleussement des grandes II 1?

chieres, et fut là huyct jours. Et assés tost après vint dhon Hughes de Moncade en poste aussy de devers le Roy, qui apporta nouvelles plus fresches. Et fut despeché incontinent pour aller en Espaignes par mère, et trois sepmaine après fut despechez le marrischal Montmorency pour aller aussy en Espaignes et pour dresser^ Tesquippaige des galleres, pour ce avant qu'il partissent luy et TAdventureulx de Pissiqueton le voyage du Roy en Espaigne fut conclud.

Comment le Roy fut menez en Espaigne et partit de Pissiqueton pour aller monter sur la coste de Gennes.

Le vicheroy de Naples qui avoit le roy de France entre mains, voyant que c'estoit ungne grosse charge et perileuse, et aussy que le pays d'Itallie est fort mobille et legier à se révolter, ne sçavoit bonnement que faire du Roy : car, le tenir en Itallie, il luy sambloit qu'il ne feroit pas bien ; aussy est il vray, car le Roy avoit des grosses pars pour les pays des Suysses qui sont près de l'itallieet du royaulme de France, et aussy de toutes ses villes communes, comme Gennes, Florence, Pise, Lucques, Sene; et voyant aussy que de l'ammener aulx royaulme de Naples il n'y avoit ordre, car le Roy y avoit des grosse parciallités et ont eu tousjours de toutte ancienneté les roys de France; et

1. Le maréchal de Montmorency, après avoir rempli sa mission auprès de Louise de Savoie, avait quitté Lyon avec le commandement général de la flotte et avait rejoint le roi à Gênes au moment de son embarquement. D'après Mignet, ce serait François P"" lui-même qui aurait demandé à Lannoy de le conduire en Espagne [Rivalité de François P^ et de Charles V, t. II, p. 100). Cf. F. Décrue, Anne de Montmorency y p. 55.

aussy le vicheroy, qui estoit homme de bien, désirant pays et union entre ces deulx princes, il prendoit que, estant l'ung auprès de Faultre ensamble, qu'ilz faisoit deux groz bien : Tung qu'il pourroyent plus soudainement conclure leurs affaires et Taultre pour en deschargiez. Furent dressez les menées de telle sorte qui fut conclud mener le Roy en Espaigne; et fut regardé comment il se povoit faire pour plus grande sceureté, tant pour y mener le Roy sceurement pour force des Mors et des Tourcques qui ont fort cest mer en rOrrient, tant en allées que en venues. Il fut aussy regardé par le vicheroy que l'armée de mer du Roy estoit trop plus que celle de l'Empereur sur la mer; aussy avoit elle esté touttes les deux armées parant; et sans poinct de faulte, aussy estoit elle belle et avoit bien servye, et en eurent honneur ceulx qui la menèrent, dont estoit chiefz mons" de la Fayette, de par mons"" le grant maistre, bastard de Sçavoye, qui estoit gouverneur de Provence. Et fut envoyé devers madame la Régente, afin que ces galleres et navires venissent aydier à mener le Roy. Laquelle chose fut faicte, non pas par le commandement du Roy, mais par le commandement de madame la Régente, mère du Roy; car le Roy, tant qu'il eust prison, n^a eu jamais commandement, comme la raison le voulloit, et eult madame la Régente tous les sermens, tant de gensdarmerie comme de touttes les villes et places du royaulme de France. La sceureté prinse d'ung costé et d'aultre, s'approchèrent les navires de France et d'Espaigne sur la coste de Gennes^ ; aussy fist le Roy et vint à ung

1. Le roi avait quitté Pizzighetonne le 18 mai et arriva à Gênes le 24 mai.

port appeliez Porteses ' , là où il fut quelque espase de tamps en attendant son equippaige, et là monta sur la mer en ungne navire d'Espaigne, non poinct dedans le batteau du Roy, mais à ung aultre à part, car il y avoit que le s' Alarcon qui avoit tousjours eu la garde de luy et a encoire. Et en cest equippaige s'en allèrent descendre à Barsellone^, là où fut faict à Roy ung groz honneur et bon recueil; et vint au devant de luy le marquis de Brandembourg, vicheroy d'Arragon, laquelz choze (?) mourut en courant la poste en venant au devant du Roy ^, et fut là ce jour au dict Barselonne en faisant bonne chiere. Cependant que le vicheroy de Naples estoit allez devers l'Empereur, qui estoit à TouUette*, là où fut regardé où on mettroit le Roy pour le mieulx et plus sceur : fut advisé de le mettre à Madille^, là où le Roy après le retour du vicheroy fust menez.

1. Sans doute Porto-Venere. D'après Mignet, Lannoy avait conçu le projet de garder son royal prisonnier au Château- NtMif de Naples; mais, une fois arrivé à Porto-Venere, François P*", comptant obtenir de meilleures conditions dans une entrevue avec Charles V, demanda au vice-roi d'aller en Espagne. Il avait alors renoncé à l'idée de se faire enlever en mer par la flotte française. Le 8 juin 1525, Montmorency signait avec Lannoy un accord d'après lequel six des galères françaises se joindraient à la flotte espagnole pour escorter le roi en Espagne (Rivalité de François I" et de Charles F, t. II, p. 101, et Champollion-Figeac, Captivité du roi François P', p. 212).