Sans doute l'abbaye du Mont-Saint-Martin

retirez dedans la tour de l'esglise *, nommeez Jaccotin, et le clochierqui n'estoit pas fort, car il n'estoit que de croye et la muraille n'estoit poinct d'espesseur.

Ces nouvelles ouyes, puisque c'estoit sur le chemin de l'armée, fut conclud y envoyer là toutte l'artilleriez et mille hommes de piedt et de retenir que deux quennons et deux couleuvrines bastard. Et envoyèrent tout le demeurant de leur dict armée à l'abbaye où il volloyent aller couchier, qui estoit à demy lieues de là.

Quant il arrivèrent audict villaige, environ deulx heures de nuyct, il furent sommez de eulx rendre et fut l'esglize toutte brusléez, qui n'y avoit plus que la petite tour. Mais il ne se vollurent jamais rendre et attenderent la battrie de l'artillerie, qui dura deux grosses heures; et n'y avoit quennonniers que ung gentilz homme nommé Loucal et l'Adventureulx, et endurèrent l'assault et furent tous mys en pièces, sans qu'il s'en échappa pas ung; et se fussent rendu plus tost, n'eust esté leur capitaine Jacotin.

De là, il estoit minuit quant on se retira, et s'en allèrent coucher le seigneur en ladicte abbaye ; et le lendemain, de bon matin, l'armée se partit avecque l'artillerie et en alla faires les approches devant Bapasmes^ là où ceulx de la ville se deffendirent