Châlons-sur-Marne

obéir à luy et faire ce qu'ilz lui plaisroit commander, de quoy il se contenta fortement. Et comme il estoit audict Challon, faisant bonne chiere, nouvelles^ luy vindrent que mons'' de Bourbon et le conte Félix ^, avecque les Allemans, marchoient en tirant vers Langres, (|ui est belle ville et forte au pays de Champaignes. Ces nouvelles ouyez, qui estoient véritables, partit le seigneur d'Orval et l'Adventureulx de Challon avecque touttes la gensdarmeries et s'en allèrent à Langres. Et, en chemin, leur vindrent nouvelles comment le conte Félix voulloit aller assiéger Guoyffy^, qui estoit place assés forte pour eulx; et demanda l'Adventureulx au dict seigneur d'Orval comment elle estoit furnye, et il luy respondit qu'elle estoit bien et qu'on ne s'en sousciast poinct, laquelle chose il crut pour ce coup là. Eulx arrivée à Langre, en souppant, les premières nouvelles qu'il eurent, ce fut la prinse de la ville de Guoyffy, de quoy le dict seigneur d'Orval et l'Adventureulx furent bien marrys. Et eult le capitaine tort, mais pas si grande qu'on pourroit bien dire, car il avoit souvent mandé au seigneur d'Orval qu'il le furnist de ce qu'ilz luy failloit; touttesfois, ledict seigneur d'Orval s'en excusoit sur le capitaine. Et nouvelles ausy vindrent comment le conte Félix alloit mettre le siège devant Montigny *, belle place et jolye, mais non pas sy forte que Guoyfîy. Le seigneur d'Orval disoit tousjours qu'elle estoit bien furnie; de quoy l'Adventureux ne se voul-