H2 MÉMOIRES

foys, TAdventureulx luy dist, puisqu'il estoit sy avant, qu'ilz ne retourneroit poinct qu'il ne les vit et s'en retourna couchier audict Fouvent, là où la gensdarmerie estoit; et estoyent le gouverneur d'Orléans et mons"* de Monltpensier , lieutenant de mons' d'Orléans, avecque luy, et se partirent dudict s' de Guyse qui leur promist que, s'il povoit, qu'il seroit là le matin avecque luy, et trouva la gensdarmerie bien logiez.

Incontinent qu'il fut arrivez, la première chose qu'il fît, sans descendre, fut d'aller veoir touttes les advenues, et fit bien asseoir son guet, et fit commandement que tout le monde fust tousjours armée, pour ce qu'ilz estoient sy près l'ung de l'aultre, sans desselés les chevaulx, la bride à l'arçon de la selle; laquelle chose fut faicte. Et fut toutte la nuict sans avoir nouvelles de mons' de Guyse qui debvoit venir avecque renfort de gensdarmerie à cheval. Et fit marcher tout droict où estoit mons"" de Bourbon, le conte Félix et les lantskenecht et, quant il furent jusques à leur camp, il y eult groz alarme et se misrent tous en armes sur ung hault, pensant qu'on les deust venir combatre, et durant se pensement furent tousjours en bataille depuis minuict jusques à cincque heures au soir que l'Adventureux fit retirer tout le monde. Et, durant ce tamps, se fièrent des belles escharmouches, des plus belles qu'on sçaroit veoir, et demandoit à l'Adventureux mons"" de Bourbon dont il venoit et qu'ilz n'y avoit pas huyct jours qu'ilz estoit dedans les montaignes. Et en ce retirent, trouva xxv chevallier que mons"" de Guyse luy envoyoit pour sçavoir s'il debvoit venir pour le secourir, car il avoit entendu qu'il en avoit affaire. L'Adventureux fut

d'oppinion qu'il se debvoit retirer et que ne marcha poinct plus an avant, pour ce qu'il faisoit retirer tout le monde et que les ennemys ne bou^eoient d'ung lieu fort et qu'ilz ne les voulloit poinct aller assaillir là dedans leur fort. Et se retirèrent par ledict Fou vent et allèrent repaistre à ung villaige à demy lieues de Fouvent, tirant sur la rivière, là où il ne furent que une heure et ne furent pas sy tost à cheval quant il eurent une grosse alarme, et les pensoyent surprendre au logis. Touttesfois, TAdventureux et les capitaines qui estoient avecque luy fit toujours marchier les gens d'armes là où il estoit conclud, au villaige près de Langre, et estoit bien x heures du soir quant il y arrivèrent, et se faisoit assès maulvais temps. Le lendemain se retirèrent à Langres, là où fud conclud que mons'" de Guyse debvoit venir; laquelle chose il fit, pour ce que le conte Félix commençoit à marchier en tirant le chemin de Vaucouleurs ^ et de Ghaumonlt en Bassigny ^, et fut regardé qu'il falloit le suyvre et mectre tout la gensdarmerie. Et partirent le s'' de Guyse, mons"" d'Orval et l'Adventureulx avecque touttes la gensdarmerie et marchèrent tousjours après, et eurent bien d'advis et regard qu'il s'en alloyent et se retiroyent en merveilleux groz desordre. Sur quoy l'Adventureux voulloit faire l'entreprinse de y mener la gensdarmerie qu'il avoit tousjours avecque luy et fut regardé qu'il yroit.

La chose ainsy conclud, demeura jusque au soirmons de Guyse, qui estoit prince courageux et honneste, et pria tant mons"* d'Orval que l'Adventureulx qu'il luy