Le siège de Marseille commença le 19 août

est la capitalle ville de Provence; et, en ladicte ville de Aix, le seigneur de Bourbon receupt hommaiges^ et y commist officiers, et en fut senechal ung gentilz des siens qui avoit estez lieutenant de mons' de Loges à Tournay, qui avoit nom Lamotte des Noyers^, qui se tint tousjours dedans ladicte ville de Aix avecque quelques gens d'armes pour furnir des vivres au camps de mons"" de Bourbon.

Le sièges estant devant Marseilles et estre mys, comme cy devant est dict, le marischal Gabannes qui estoit en Avignon eult paour que ceulx de Marseilles ne fussent pas bien furnys de vivres et de gensdarmerie, pour ce que le seigneur Rance et le seigneur de Bryon avoyent mandé qu'on leur envoya selon le Rhosne d'Avignon encoires quelques gens d'armes s'il estoit possible. Laquelle chose fit le marischal Gabannes là où il estoit et force bateaulx chargiez de vivres qui sa allèrent mettre dedans Marseilles en la veue de ceulx qui tenoyent la ville assiégez; et le povoit bien faire, car le Roy avoit mys sy bonne ordre on son armée de mer qu'il estoit roy de la mer en toutte la mer de Lèvent, et en estoit Heutenant pour mons'' le Grant Maistre ung capitaine, homme de bon sens, nommé mons' de la Fayette % qui approchoit le camp aulcunes foys avecque les galleres sy très près qui les faisoit changier de camp, et là battoit de la mer en leur camp de telle sorte que deux et trois fois les fit changier de lieu et

1. Bourbon entra dans Aix le 9 août 1524; il prit le titre de comte de Provence et reçut le serment des magistrats. Voir lettre de Bourbon à Charles-Quint, citée par Mignet, 1. 1, p. 495.