Guillestre, Hautes-Alpes, arr. d'Embrun, ch.-l. de cant

advant garde et le Roy par ung aultre passaige auprès Notre Dame d'Aulbyn à SuseS Tartillerie et le demeurant des gens de pied allèrent par le mons de Genève^, qui est leur passaige. Il n'est poinct possible, l'ordre des estapes de vivres ne s'y peult mettre, pour la grande diligence qu'on faisoit de la soudaine entreprinse, là où se fut jamais veu armée l'aire ungne telle diligence que c'este là, et principallement les Suisses, car les lantskeneckt avoyent journée et demy devant eulx, et les passèrent quant ce vint à entrer dedans les montaignes. Vous debvez sçavoir qu'ilz ne trouvèrent ne pain ne vin et furent ainsy les Suisses l'espace de huyct jours ou x sans pain et sans vin et la pluspart sans soulliez, et, avecque cela, faisoyent sy grande journée qu'il n'y avoit chevaulx qui les peult sieuvir, et, sans poinct de faulte et à dire le vray, il n'y a nation au monde pour faire ungne telle diligence que les Suisses et à peu de vivres. Et ne mangèrent là que des râpes et buvoyent de l'eaue et aulcunes foys trouvèrent quelque chaire, et en ceste estât se vindrent rendre à Gony^ tous ensamble et le marrischal de Ghabannes assés près de eulx. Si les Suisses faisoyent bonnes diligence de leur costé, aussy faisoit le Roy du sien, mais non pas telle que les lantskenecht : huyct jours après les Suisses n'avoyent pas passez iiij mille de sept ou huyct mille qui

1. Suse, ville du Piémont, de l'autre côté de la frontière du département des Hautes-Alpes. — « Notre-Dame d'Aulbyn » ; peut-être s'agit-il du col d'Ambin, débouchant sur Exilles et Suze.

2. Le Mont-Genèvre, entre le département des Hautes- Alpes et les Etats sardes.