Le manuscrit porte : « et Berne

Or, je veulx revenir aulx enseignes des Suisses qui estoyent à Binasque et laisse T Ad ventureulx aller après eulx.

Mons' Jehan d'Iespart, lieutenant de TAdventureulx aulx Suisses qui estiont devant avecque cesdictes enseignes, et comme il pensoyent estre dedans Bynasque il venoyent les Espaignolz qui entroient dedans, et estoit desjà soleil couchant ; et voUoyent les Suisses combatre à touttes force, et sans poinct de faulte il debvoyent faire, nonobstant qu'il estoyent assez faybles, car il n'a voient poinct de gensdarmeriez avecque eulx que Fredericque de Beaulge*, qui n'a voit avecque luy que iiij chevaulx, et estoit le pays de Binasque fort de fossés, car les Espaignolz qui estoyent dedans avoyent forces hacquebutiers. Les Suisses cryoient tousjours Fredericque de Beaulge et messire Jehan d'Iespart pour combatre; mais, pour ce que le Roy n'y estoit poinct ne l'Adventureulx qui estoit leur chiefz, n'osèrent entreprendre ledict combat, et, sans poinct de faulte, à dire le vray, ledict combat estoit d'importance. Par quoy ledict Jehan d'Iespart envoya ung gentilz [homme M.] d'Arlacque vers l'Adventureulx, son chiefz, pour le faire haster.

L'escharmouche fut grosse, tant de gens de cheval que de gens de piedz; mais les Espaignolz ne s'adventuroient poinct de saillir de leur fort. La nuict les print, et se logea ledict Jehan d'Iespart avecque ce qu'il avoit de Suisses et le seigneur de Beauge en vij ou viij maisons près Binasque, en trois ou quatre maisons, là où il trouvèrent des Suisses v ou vj cens; et tousjours les Suisses arrivoient à la fille, et avoient