Fiorenzuola d'Adda, prov. de Plaisance
d'Albanye, et mons' de Saint Pol et le marrischal de Foix, avecque v" hommes d'armes qui les suyvoient, et allèrent en ceste equippaige jusques à Florensolles, qui est à trois journées de Pavye; là où il trouvèrent le seigneur d'Albanie qui leurs fit merveilleusement bon recueil, aussy fièrent les Suisses à leurs compaignons qui les estoyent venu secourir. Eulx estre audict Florencholles, avecque ledict ducque d'Albanie adviserent ensamble pour les départ de la sceureté dudict ducque. Laquelle [chose] se povoit faire aysement; car incontinent que le vicheroy et le marquis de Pesquiere sceurent et entendirent le secours qui leur venoit, et qu'il ne voulloient point combatre sans attendre mons"* de Bourbon qui venoit avecque ung groz nombre de lantskenecht, et ce faict se retirèrent à Lodes et à Gremonnes; et là où estoyent partys en merveilleux grant desordre, et non sans cause, car il y avoit ungrie trop grosse compaignie contre eulx ; et y eult beaulcoup de gens noyez à leur retreicte en rappassant le pont qu'il avoyent faict sur le Thesin. Et cependant que les Espaignolz se retiroyent, il y eult des belles escharmouches à leur retrecte. Et fut pourveu aulx pouldres qui estoyent audict Florensolles, dont le seigneur Johannes avoit la charge de les mener, qui estoyent tous ensamble, et groz nombre de gens dedans les douve de ladicte ville. Et partirent avecque l'Adventureulx, qui se partit fort matin dudict Florensolle pour retourner au Roy, tout le grand chemin romain, et passèrent par Plaisance et par le chastel Sainct Jehan, pour ce qu'ilz estoit venuz nouvelle que les Espaignolz s'en allèrent pour combatre le Uoy, pour ce qu'il avoyent bien entendu la force qui estoit party de
son camp. Et, pour ceste raison, fit faire TAdventureux aux Suisses unj^Mie merveilleuse diligence, et sy faisoient de sy grandes neiges et sy grande froidure qu'il n'estoit |)ossible plus : nonobstant (ju'ilz fit grand froid, grand gelées et neiges, il fièrent tant (jue, en deux jours, il fièrent ce (ju'il avoyent faict en trois, car depuis le matin jusques au soir il cheminoyent.
Le ducque d'Albanie s'en allit son chemin droict à Florence, et tout le demeurant de ceulx qui estoyent allez à leurs secours se retirèrent; aussy fit l'Adventureulx avecque les Suisses au logis meismes où il avoyent estes par avant; et tout incontinent retournèrent les Grisons à Millan, de là où estoyent partys, assés mal conteriz, car il voulloyent qu'on les tint en aussy grande estime que les Suisses, leurs alliez. Et retint l'Adventureux trois enseignes des Suisses qui estoyent venus nouvellement à Millan avec lesdicts Grisons, et les logis dedans son camp en ungne abbaye de Sainct Lazare qui est le chemin de Pavie et de Belle Joyeusse ' .
Comment mons' de Bourbon alla en Alemaigne quérir les lantskenecht pour secours, le nombre de xv mille, et luy bailla dhon Fernande ensamble neufz grosse pièces d'artillerie et quelque nombre de gens de cheval. Et comment l'ambassadeur du Pape et du Turcque vindrent devers le Roy,
Mons' de Bourbon, le vicheroy de Naples^ et le marquis de Pesquiere, estre du retour avecque leurs armées
