Maximilien P'', empereur de 1493 à
son ayde et faveur, et les voulloit tous deux mener en Itallie, afin de venir mieulx à ses affaires.
Or le roy Loys de France, xij^ de ce non, avoit escript lettres et envoyés par ung gentilz homme de sa maison à messir Robert de la Marche, seigneur de Sedan, qu'il allast pour secourir le conte Palatin ^ en luy mandant que sur tous les services qu'ilz luy vouloit faire qu'il s'efforça le plus tost qu'il pourroit de baillier ayde et secours^ au dict conte Palatin qui estoit aliez et fort grant amy du Roy et du dict seigneur de Sedan. Et après que le dict seigneur eut leu les lettres que le Roy luy envoyoit, le gentil homme qui les avoit apportées les cuyda bien ravoir^; mais le seigneur de Sedan, comme fin et rusez comme il estoit, ne luy voullut pas rendre ; ains, ensuyvans ce que le Roy luy mandoit, incontinent se partit pour aller à l'ayde
1. Philippe, comte palatin, succéda à son oncle, Frédéric I", en 1476, et mourut le 18 février 1508.
2. Les événements auxquels Florange fait ici allusion se passèrent en 1504 et 1505. Philippe, comte palatin, avait marié son troisième fils, Robert, à Elisabeth, fille unique de Georges le Riche, duc de Basse-Bavière, qui leur fit donation de tous ses biens. A la mort de Georges, en 1503, Albert, duc de Bavière, prétendit que cette donation était contraire aux pactes de famille qui réservaient les successions aux héritiers mâles, à l'exclusion des filles. L'empereur Maximilien proposa un accommodement qui fut rejeté, et la guerre éclata. L'empereur mit le père et le fils au ban de l'empire en 1504; quatre armées envahirent le Palatinat. Le comte perdit Ratisbonne et une partie de ses pi'ovinces. Par la médiation de l'électeur de Saxe, Philippe fut réconcilié avec l'empereur et obligé d'accepter la paix en 1505.
3. Il semble que Louis XII, alors en négociations avec Maximilien, n'ait pas voulu s'engager à fond; peut-être pensait-il déjà à désavouer Robert de la Marck.
et secours du dessus dict conte Palatin. Auquel il fist grant confort, car, sans luy, il perdoit son pays; où fut faict des belles choses, especiallement en ungne escharmouche qui fut faict devant la ville Edelbourg^ là où, [si] le dict seigneur de Sedan eust [esté] creu, le marischal du conte ne s'en fut poinct meslez, il eussent faict ce jour là quelque choze qui eut esté bonne. De quoy l'Empereur, qui faisoit telle guerre au conte Palatin, ne se contenta pas bien de la venue du dict seigneur de Sedan, veu les parolles que le Roy luy bailloit entendre par ses ambassadeurs, et incontinent le manda au Roy et à mons"" le Légat, qui envoyèrent lettres à mons"" de Sedan, luy mandant qu'il avoit très mal faict d'aller contre l'Empereur, qui estoit son amy et son aliez, et qu'il le deffioit au feu et à sang jusques au douziesme de sa lignie, et qu'il cassoit tous les gens d'armes qui estoient avecque luy. Quant le dict seigneur de Sedan ouyt ce, se retira et et laissa le capitaine Jannet le Bastart avecque cincquante hommes d'armes de sa compagnie tousjours à l'ayde du conte Palatin; s'en vint mettre dedans sa maison de Sedan, de doubte qu'il ne fist quelque mal à ses maisons et pays. Et, quant il fust de retour, escripvit une lettres au Roy et les envoya par un gentil homme de sa maison nommé Bryçon^, qui depuis a tousjours esté porteur d'enseigne de sa compaignie, fort homme de bien et gentilz compaignon, lequel aymoit beaucoup myeulx le vin que l'eaue ; et l'envoya
