Araé de Sarrebruck, comte de Roussy et de Braine

192 ArÉMOIRES [1515

tureux, et mons"^ de Vandenesse^ frère de mons'' de la Palice, lesquel aussi y estoient venuz pour leurs plaisir. Et l'Adventureux, en retournant, ayant les Suisses sur les bras, et escharmouchant avecque eulx, trouve les dictes bende en lieu fort mal advantaigeux pour eulx et fut fort [mal] content; mais, puis qu'on estoit jusques là, [il en falloit faire son mieux]; car les dictes gens d'armes estoient mys de telle sorte qu'ilz ne povoient dissimuler le combat et estoient sy mal mys qu'il estoient les premiers combatans, qu'il ne povoient ayder le demeurant de l'armée ne les aultres eulx. Et incontinent que l'Adventureux fut venuz à eulx, fit prendre à chascun son abillement de teste et de donner dedans; et là~ fut blessiez son cheval d'un coup de haquebutée dont il morut incontinent après. Et y fit merveilleusement bien son debvoir le conte de Brayne et y fut fort blessiez le cheval du bailly de Digeon qui fit aussy bien son debvoir ; aussy firent le seigneur de Jamais et mons"" de Saussy et mons" de Vandenesse qui estoit fort gentilz compaignon et y fut aussi blessez le viconte d'Estoge d'ung coup de hacquebutte en la cuisse, et y demoura des gens d'armes, mais pas beaulcoup. Sans poinct de faulte, le jeu estoit mal party, car les Françoys n'estoient que deux cens hommes d'armes contre'^ xiiij mille hommes, car, comme je vous ay