Ardres, Pas-de-Calais, ch.-l. de cant

aultres* gentilz compaignons pour les accompaignier; et le Roy les fit deffreyer par tout son royaulme, tant à l'allée que au revenir. Et vindrent les dictes ambassadeurs devers le Roy à Parys, qui leurs fit merveilleusement bon recoueilz^, lesquelz estoient logiet en son palays à Parys. Les ambassadeurs arrivez à Parys, le Roy fut deux jours sans les ouyr, jusques à tant qu'ilz tussent ung peu raiïreschez et qu'ilz eurent ung peu mys d'ordre à leurs affaires. Après ce le Roy les envoya quérir parles princes et gentilz hommes, tant que chascun Anglois en avoit ung pour parler à luy, et les princes pour parler aux principaulx ambassadeurs. En ceste ordre vindrent au palays vers le Roy qui les enttendit à ungne grande salle, ainssy que n'on at de coustume de recepvoir ambassadeurs, et touttes ses gardes en ordre pour recepvoir les dictes ambassadeurs, qui

1. D'après Barrillon (t. H, p. 112), le roi aurait envoyé au-devant d'eux M. d'Orval et quelques gentilshommes de sa maison.

2. « Audict an mil cinq cens dix huict, le vendredy [10'' jour de décembre], arriva à Paris l'ambassade du roy d'Angleterre, assçavoir le grand commandeur d'Angleterre, le capitayne de Guynes, le grand chambelan et un evesque; et furent logez en la vieille rue de Temple, et furent très honorablement receuz, par ordonnance du Roy, qui estoit à Paris. Et ce mesme jour, les eschevins leur envoyèrent grande quantité d'ypocras et torches de cyre. Le dimanche ensuyvant, le Roy les receut au Palais, en sa grande majesté, en la grande sale de Sainct Loys, aprestée pour ce et tendue bien honorablement » [Journal d'un bourgeois de Paris, p. 64 et 65). L'auteur s'étend ensuite très longuement sur cette réception des ambassadeurs anglais, sur leur audience et leur séjour à Paris. Cf. dans Letters and Papers, vol. II, part. II, n° 4652, la lettre du comte de Worcester et de ses compagnons à Wolsey, datée du 15 décembre 1518.

fut chose belle à veoir; et en ceste ordre luy vindrent faire la révérence et commencèrent leur harenges, qui fut merveilleusement belle et qui pleut fortement au Roy; et aussy furent les ambassadeurs des honneste responce que le Roy leur fit sans chancellier, laquel choze le Roy a de coustume de faire : à quelque ambassadeurs qu'il viengnent, jamais il n'entent que aultre parler que luy, et le faict sy très bien que jamais ne se repentit.

Les ambassadeurs, ayant faict leurs affaires, se retournèrent en leur logis, où le Roy les fit convoyer; et se peulrent bien vanter les dictes ambassadeurs que, en quelque lieu qu'il fussent, ne furent sy fort festoiez. En six sepmaines qu'il y furent, n'eurent jamais loysir de digner ou souper ungne fois en leur logis, et ne vis en jour de ma vie tant de festins et bancqués l'ung sur l'aultre.

Le Roy fit tendre toutte sa court de la Rastille* à

1. « Mais après, le Roy leur refit son bancquet, au lieu de la Bastille, le mercredy vingt deuxiesme jour de décembre ensuyvant, qui fut la chose la plus solennelle et magnifique que on vit jamays ; car premièrement ladicte Bastille estoit toute tendue par terre de draps de layne à la livrée du Roy, assçavoir blanc, tanné et noir; et le hault à troys estaiges, où il y avoit tant de luminaires, de torches de cyre ardantes qu'il sembloit qu'il fût jour clair, car on y estimoit plus de douze cens torches. Et fut ce bancquet faict de nuict à torches ardantes. Briefvement, on ne sçauroit exposer le triumphe faict tant en viandes que en parementz. Item, la dicte Bastille estoit tendue, tant à la court que aultres lieux; et y avoit, à la court, du lyerre et assiettes, et dura ce bancquet jusques à passé mynuict. Puis, il y eut moresques d'hommes et femmes, habillez tout de drap d'or et d'argent; en après y vindrent des masques habillez en hommes et femmes qui dansèrent » [Jour-

Parys, dessus, dessoubz, et de tous les costez, et fit là faire le plus beau festins que je pense avoir veu ; et dura jusques au poinct du jour, et y avoit plus de deux milles flambeaux.

Ce festins faict, trois ou quatre jours après, les dictes ambassadeurs prindrent congiet du Roy, lesquelz les fit conduyre et deffrayer jusques hors de son royaulme; et s'en allèrent les ambassadeurs sy content du Roy qu'il n'estoit possible plus, car il leur avoit donné chascun ung buffet de vascelles d'or et aussy présent de chevaulx et d'argent. Et fut conclud avecque les dicts ambassadeurs le voyage d'Ardres et de Ghines, pour s'entreveoir les deux roy ensamble.

Les dicts ambassadeurs^ s'en retournèrent en Angleterre, là où fut très joyeulx le roy d'Angleterre d'avoir entendu le bon recoueil et les bons propos que le roy de France luy mandoit.

Ung peu après le département des ambassadeurs d'Angleterre, madame la Régente, mère du Roy, pria le Roy et la Royne de faire ung voyage jusquez à Guy[en]ne et le voulloit mener par sa duché de d'Angoumoys en ungne ville qui s'appelle Gongnac^, où le Roy a estez néez. Et vous asseure que si le festin^ des Angloys et

nal d'un bourgeois de Paris, p. 66 et 67). Cf. Marino Sanuto, Diarii, t. XXVI, col. 349.

1. Après avoir pris congé du roi, les ambassadeurs allèrent à Tournay et, suivant les clauses du traité, ils remirent cette ville au maréchal de Châtillon [Journal de Jean Barrillon, t. II, p. 114 et 115).