Aix-la-Chapelle, Allemagne, Prusse rhénane

aller à Aix, et y furent appeliez tous les princes de ses pays de par deçà, et tout plain d'Espaignolz qui estoyent avecque luy et aultres princes d'Allemaigne. En ceste belle esquippaige et belle compaigniez, partit pour aller à Aix, là où estoit attendu et desirez par les électeurs et princes d'Allemaigne ; et estoit avecque luy madame de Savoye, sa tante, (de) laquelle ne l'abbandonna poinct tout le dict voyage, avecque fort et belle compaignie de dames. Et y fut faict, le temps du voiage, merveilleussement bonne chiere, tant par le pays (et) de mons"^ le cardinal de la Marche, en sa maison, (et) que par tout le pays de Liège, et par tout [où] il passoyent. Et l'attendoyent la plus grande part des électeurs à Aix, et, par ung matin, vint disner assés près de la ville de Aix, là où tous les électeurs vindrent au devant de luy, et luy en armes, et touttes sa compaignie et ceulx qui estoient avecque luy, et ainsy fit son entrée en la ville de Aix, la plus belle que fut jamais entrée faictes en villes. Ung jour après, fut couronnez* Empereur à la plus grande triumphe que jamais Empereur ne fut. De la façon comment le sacre fut faict, n'est jà besoing de le vousdeclairer, car c'est ungne chose de grande cérémonie et de le contenue de la bulle Caroline, que l'Empereur Gharlemaine fit, qui est l'ordonnance du couronnement des Empereurs ses successeurs.

Et cela faict, madame de Savoye s'en retourna en Brabant et l'Empereur s'en allit et prins son chemin à Worms^ pour aller veoir les AUemaignes.

1. Le couronnement de Charles-Quint eut lieu à Aix-la-Chapelle, le 23 octobre 1520. Voir les dépêches de Francesco Corner, ambassadeur vénitien auprès de lui (Marine Sanuto, Diarii, t. XXIX, col. 370 et suiv.).