Attigny, Ardennes, arr. de Vouziers, ch.-l. de cant

4. Est-ce Orchimont, village de Belgique, prov. de Luxembourg ?

qu'ilz estoient au camps, mais il ne sçavoyent pas quel nombre estoyent les Françoys. Touttes foys, il se vindrent jetter groz nombre de gens dessus ungne montaigne, qui estoit fortifiez, et estoient bien le nombres de vij ou à viij" hommes d'armes, attendant sur ceste montaigne, que estoit le chemin par où il se deb voient retirer avecque leur butin, et ne pensoyent que les gens d'armes pussent monter sy hault sur cest montaigne.

Touttes foys, pour le faire court, les gens d'armes les vindrent cercher tout au loing de cest montaigne, qui estoit chose bien mal aysée, et les deffierent; et en y eult beaulcoup de tuez, et encorres en y eult il eu plus, s'il ne se fussent saulvez par les boys; et s'en revindrent à Sedan avecque leur butin et beaulcoup de prisonniers.

Mons"^ de Nansson, ayant entendu que la maison de Jamais estoit mal furnie de gens, voulut aller mettre le siège devant : de quoy fut advertis l'Adventureux, et s'en alla de nuict avecque cincquante hommes d'armes mettre dedans la dicte place, là où estoit nions' du Saussy, son frère, avecque quelquez gens de piedt, et faisoit remparer la place le plus qu'il povoit, avecque le capitaine de leans, qui est ung fort honneste homme escossoys; et vous asseure que le remparerent bien, tellement que pour ce jour d'huy c'est ungne des plus belle places et de meilleurs qui ne soit poinct.

Gela venuz à la congnoissance de mons"" de Nansson, du secours qui estoit venuz à Jamais, eult advis de prendre ung chemin aultre, et pour cest foys n'y alla poinct; et print aultre chemin, comme sy après sera desclarré.

Comment monsieur de Lotrecht, avecque les Venissiens, alla mettre le siège devant la ville de Veronne, et comment la dicte ville se rendit, et de ce qu'il y fut faict.

Le Roy, vœuillant tenir sa foy aux Venissiens, comme il leur avoit promys, fut solicités de eulx ayder de leur rendre la ville de Veronne, en ensuyvant le traictié de paix qu'ilz avoyent ensamble ; et ne restoit plus que le Roy eult tout satisfaict de ce qu'ilz leur avoit promys que la ville de Veronne, laquelle l'Empereur tenoit entre ses mains ; car tout le demeurant de leur pays il avoyent entre leurs mains.

Le Roy manda à mons'^ de Lotrecht* dresser son armée pour aller mettre le siège au dict Veronne ; et se debvoyent trouver les Venissiens avecque leurs arteillerie et leur armée devant la dicte Veronne, laquelle chose il fièrent, et se trouvèrent tous ensamble; et estoit au commencement de Tyver, qui n'estoit poinct convenable pour assiéger places.

Or, avoit il dedans Veronne, lieutenant pour l'Empereur, le seigneur Marcque Anthoine Goulonne^, frère de Prospère Goulonne, de quy at estet par cy devant parlez, merveilleussement gentilz compaignon, et honneste homme et gentilz capitaine, et pour quelquez des-

1. Le maréchal de Lautrec, qui avait succédé au connétable de Bourbon le 17 juin 1516, s'était emparé de Brescia et l'avait rendue aux Vénitiens, en conservant toutefois le château. Voir Le Glay, t. II, p. 111.

2. Marc-Antoine Colonna était le neveu et non le frère de Prosper.

pit abandonna le service de l'Empereur et vint au service du roy de France.

Or, pour revenir à nostre propos, il y avoit tout plain de gens de bien avecque luy\ capitaines dedans la ville, comme le capitaine Suchres, espaignolz et aultres gens de bien à tenir places ; et avoit dedans la ville de touttes nations, qui est chose mal aysé à tenir ungne ville, sy ce n'est que le capitaine soit homme saige.

La dicte ville de Veronne est bien grande et mal aysez à assiéger, pour la rivière. La batterie se commença du costé de devers la plaine de Veronne, qui est la plus belle plaine que l'on sçauroit veoir; et estoit l'artillerie du Roy et des Venissiens, qui estoyent bien six ou sept vingtz pièces d'artillerie en battries, qui fut la plus terrible battrie que on sceut faire, car elle avoit cent ou vj^"" pieds ^ de long. Mais le rempar que Prosper Goulonne avoit faict faire devant la ville estoit six foys plus fort que la ville. Marcque Anthoine^ Goulonne, qui estoit chief, et tout plain de gens de bien qui estoient avecque luy, la fortiffierent sy bien, qu'il ne fut poinct donné de assault.

Et eult la battriez ungne perte de gens de bien, pour le feu qui se mist en l'artillerie et aulx poudres, et y eult tout plain de gens bruslez; et, de cas de fortune, mons'" de Lotrech estoit arrivez à ceste heure là sur le lieu, qui avoit tout plain d'Italliens avecque luy, et

1. D'après Guichardin, la garnison de Vérone était de 800 chevaux, 5,000 lansquenets et 1,500 Espagnols (t. II, liv. XII, p. 451).