Damvillers, Meuse, arr. de Montmédy, ch.-l. de cant

fossez et bonnes dovez et double fossez ; et les avoit faict fort acoustrer le dict seigneur de Jamais, depuis qu'ilz y estoit. La ville et le chasteaux estoit bien merveilleussement artilleez, aultant que place fut veue depuis long temps.

Et avoient eu les lantskenecht desjà iiij ou cincque moys de service, et tousjours bien payez, et avoient force vivres pour ung an dedans.

Mons"" de Nansson, de prime arrivez, ne se jetta poinct devant, et s'en allé soy raffrechir ung petit à ungne petit ville qui est à l'Empereur, au pays de Luxembourg, nommée Thiomville^ à ungne lieues près de Florenges.

Or, il s'estoit faict, deux jours devant, quelquez escharmouches, là où avoyent estez prins quelquez lanskenecht de ceulx de la dicte ville de Florenges et estiont compaignons ayant credict avecque leur quemaine des lantskenecht. L'ung des^ lantskenecht prisonnier fut mandé par le seigneur de Nansson pour faire practicque avecque luy pour le renvoyer dedans la ville, avecque quelquez argent qu'on luy avoit donné pour faire une menez secrette et pour faire mutiner les lantskenecht, ses compaignons, en leur disant qu'ilz seroyent tous pendus^, pour ce qu'ilz estions des pays de l'Empereur.

Mons' de Nansson, ayant responce du dict lantskekenecht, fît marcher son armée et assiéger la ville.

Les lantskenecht qui estyont dedens, voyant cela, commencèrent avoir paour, avecque la bonne vo-