L'armée du vice-roi arriva le 10 avril

aussy i'aisoient il [à] beaucoup de capitaines, que sy la ville eut esté prinse que c'estoit la destruction des Françoys et en eussent perdu la bataille, ce qu'ilz ne fièrent; car il en eussent perdu la moictié de leurs gens au pillaige, à cause que la ville estoit riche et eussent peu^ aussy perdre beaucoup de gens de bien au dict assault.

La nuict vint, tout le monde se reposa. Ung peu de deux heures avant le jour, on commença à soy armer et fit assambler mons"" de Nemours tous les capitaines, tant de piedt que de cheval, et commencèrent à regarder ce qu'il avoient à taire ^. Il fut regardé de poinct donnez la bataille et dissimuler tant que les Françoys fussent ung peu renforchiez : car, en dire le vray, il estoient bien foybles et bien foulés ; car il y avoit deux ou trois moys que ne cessoient de combattre ou donner assault et aller de lieu en aultres.

Or, quant le tout fut bien debattuez, [mons' de Nemours, qui estoit gentil prince,] comme chascun scet, dist au capitaines qu'il voulloit combatre et qu'il falloit qu'ilz combattissent, et la raison il leur disoit, qui estoit que, quant il ne vouldroient poinct combatre, si estoient il contrainct de ce faire, pour ce qu'il n'avoient plus de vivres au camp, iiy moyen d'en avoir : et davantaige l'année des Venissiens qui se renforçoyt et venoit vers eulx ; et [si] les deux armées du Pape et des Venissiens fussent venus contre eulx, l'ungne d'ung costé et l'aultre de l'aultre, il estoient en grant dangier et par le moyen des Venissiens qui