Au lieu de et, le manuscrit porte : de
que amenoit Brandecque et Thamise, lesquelle ne sceurent jamais venir à temps pour estre à la bataille. Et vint en ce temps ung conte d'Allemaigne, nommée le conte Wolfz, qui se mist à piedt avecque le dict Adventureulx et fut tousjours à piedz avecque l'Adventureulx et eut double paye, qui depuis at eulx des grosse cherge.
Qui menoit l'artillerie de France estoit mons"^ de la Fayette, parent de mons' l'admirai Graville, lesquelle estoit homme saige et de bonne entendement, comme cy après sera plus à plain declairé. Et faisoit mener mons' de Sedan, avecque la dicte artilleriez, ung parcque faict à façon d'eschelle, qui estoit merveilleusement bon et huyt cens hacquebuttes à crochet qui estoient dedans le dict parcque ^ et qui, c'i elle eult peu estre tendue à temps, par adventure la chose ne fut poinct ainssy allés, comme sera sy après declairé.
Et en cest equippaige passa l'armée du Roy les mons, que menoit mons"^ de la Trimouille.
Comment mons' de la Trimouille envoya le Jeune Adventureulx en Alexandrie, laquelle il print par sa grande diligence et du groz gain qui y fut faicte.
L'armée du Roy, que [menoit] mons' de la Trimouille, passée les mons, le dict seigneur fit haster
1. « Il avoit inventé un camp de charpenterie qui se traînoit pai' chariots, pour clorre l'armée, si la nécessité d'avanture leur survenoit de soutenir une bataille en endroit peu avantageux : toutesfois son invention fut de grande despense, et apporta peu de prouffit » (du Bellay, éd. Michaud et Poujoulal, p. 113).
les lantskenecht que menoit le Jeune Adventureux et le suyvoit le dict seigneur de la Trimouille avecque le demeurant de la gensdarnierie et prenoit le chemin non droit à Millau, mais à la conté d'Ast, à ungne ville qui se nommoit Novarre, où fut assiégiez long temps mons"^ d'Orléans* du temps du roy Chai^les.
Et allist le Jeusne Adventureulx jusques à la ville d'Ast avecque ses dicts lantskenecht, là où attendit mons"^ de la Trimouille qui arriva le lendemain. Et le dict seigneur arrivé, il ouyt nouvelles que les Suysses estoient en Alexandrie-, qui est une ville grande, et passe le Pau droict au millieu, et est i'ungne des plus riche ville des Itallies, et avoit au matin ouy nouvelles des dicts Suysses. Le dict seigneur pria au Jeune Adventureux, avecque ses lantskenecth et quelquez gens de pietz françoys qu'il allit prendre la dicte ville d'Allexandrie ; et avoit le dict Adventureux avecque luy, oultre ce que dessus est dict, de chascune compaigniez trente hommes d'armes, et partirent de nuyct après souper de la ville; et alla et passa toutte la nui et par Rocquemore, là où fut le combat de la dicte bende des Suysses. Rocquemore et Lande ^ ce sont deux places sur deux montaignes, et du temps des guerres ont tousjours estées I'ungne contre l'aultre.
1. Après la bataille de Fornoue en 1495, Louis XII, qui n'était encore que duc d'Orléans, fut assiégé dans Novare par Ludovic le Moi-e. Le traité conclu par Charles VIII avec Ludovic, le 1*' octobre, lui permit de sortir de cette ville.
