C'est une erreur; il faut lire : La Tremoille

alla à Digeon en son gouvernement de Bourgoigne, à cause qu'il attendit que les Suisses le venoient assiéger, ainsy qu'il fièrent; et manda aussy le Roy au seigneur de Sedan qu'ilz venist vers luy en diligence. Et après escripvit une lettres le Roy au Jeune Adventureux, lequel estoit bien malade à cause de ses playes et blessures, en luy mandant, que s'il estoit possible, qu'il vint vers luy et le demeurant des lantskenecht les faire venir en Picardie avecque luy, car il entendoit que les Anglois voulloient descendre. Lesquelle lettres veues, le dict Adventureulx, si malade qu'ilz estoit, refist ses bendes de lantskenecht, dont tous les capitaines estiont morts et tous les generaulx, comme Thamize de Medelbourg, le capitaine Philippe Ottelet, Dismal et aultres; et fit capitaine le dict Adventureulx le conte Wolfz, qui avoit esté blessiez à la bataille, et demoura l'Adventureux ung temps à Lyon. Et mons"" de la Trimouille tira vers Degeorî en Bourgoigne, là où ne fut guerre arrivez, que eut les Suisses ; à grant nombre de bien vingt cincq milles, vindrent assiéger la dit[e] ville et le ducque de Wiertenberge ^ avecque eulx, et y estoit le conte Guillame Fustenbergue^ et mons"" de Vergier^, et povoient bien estre en tout quarante mille hommes, et avoient avecque eulx grosse artillerie qui estoit à l'empereur Maximilian, assés pour faire deux ou trois batteriez.

Mons' de la Trimouille, estant à Digeon, estoit bien advertis de leur venue ^ et se prepart pour tenir la