Blangy-sur-Ternoise, Pas-de-Calais, cant. du Parcq

françoisse fuyoit, le Jeune Adventureux, qui venoit devers le Roy et la royne Anne, duchesse de Bretaigne, arriva à la propre heure, avecque xiiij mille lantskenecht de renfort, aus dict Blangy. Et incontinent luy arrivez, les premier fuyant luy vindrent dire que mons"" de Piennes luy prioit qu'ilz volsist mettre les lantskenecht en bataille et qu'ilz estoient chassez de près. Laquelle chose le dict Adventureux ne voullut poinct, de peur d'effraier le camp, et monte à cheval avecque ungne vingtaine de capitaines et gentilz hommes et va après eulx et fîst sonner que tout le monde fust prest. Il n'eut gaires allé avant, quant il rencontra mons"^ de Piennes et mons"" de la Palice qui ne courroient plus ; car quant la gensdarmeriez de l'Empereur et du roy d'Angleterre les eurent ung peu chassez, il s'arresterent pour attendre les gens de piedt et le demeurant de leurs gens. Et, comme aye entendu par les prisonniers, comme mons"" de Bayart et aultres, qui eut vollu croire l'Empereur et marchier le jour meismes, ou le lendemain matin, et suyNÎr la fortune, et selon mon oppinion il eut merveilleusement bien faict. Touttes fois il ne se fit poinct et demeurèrent en leur siège, et le Jeune Adventureux fit arrester les lantskenecht et les fit retourner au logis pour souper, avecque ce qu'ilz estoient las. Eulx arrivé au logis à Blangy, le soir fut mandé le dict Adventureux pour venir au conseille, pour regarder de ce qu'on auroit affaire, par mons"" de Piennes et mons' de la Palice. Lequelle venu, regardèrent qu'i seroit bon se retirer touttes la nuict et passer de là l'eaue; de la quelle choze ne fut poinct d'oppinion le dict Adventureux, et dict à mons"^ de la Pahce et mons' de Piennes qu'il

n'estoit poinct là venu pour fouyr et qu'il ne bougeroit de là, car l'esquippaige du Roy n'estoit pas encorre venu. Mais commencèrent d'oppinion à dresser le conseille de l'Adventureulx, et fut trouvé bonne ^ et fut tenue, pour ce qu'ilz disoit que ce seroit ung grant honte de changer ung tel camp de nuict et qu'il en povoit venir des grant [inconveniens]-.

Gela faict, le dict Adventureux se retira en son logis pour souper, et incontinent qu'ilz fut à table, l'escharmouche vint là, où les lantskenecht qu'il a voit en sa charge monstrerent merveilleussement bon visaige, et aussy fit la gensdarmeriez françoise.

Mais ce ne fut riens, et fit on retirer chascun en sa chascune. Et incontinent le dict Adventureux fut arrivez, vint ung gentilz homme à poste du Roy^, lequelz luy bailloit encorre cent hommes d'armes, de quoy le Jeune Adventureulx fut bien aise, et la dicte compaignie qu'on luy bailloit avoit gaignez le jour mesme l'enseigne de la maison du roy d'Angleterre. Le matin, le Jeune Adventureux print possession de ses cent

1. Notre manuscrit donne ici un texte fort médiocre. Celui de l'édition Petitot (p. 256) est plus satisfaisant : « ... qu'il n'estoit point là venu pour fuir et qu'il venoit d'ung lieu où il avoit assez fui; et qu'il ne bougeroit de là : et que si peu d'artillerie, qui n'estoit que quatre faucons, qu'il les vouloit avoir entre ses mains; car l'équipage du Roi, ny de son camp n'estoit venu, mais se commençoit à dresser. L'opinion dudict Advantureux feust trouvée bonne... »