Le Valais

OÙ nous prismes la poste, et quelque diligence que nous peûsmes faire, nous mismes treize jours jusques à. Parys, encore que nous marchassions touts les jours, depuys les troys heures du matin, jusques à neuf heures du soir.

A mon arrivée j'aliay faire révérence à la Roynemère, laquelle je croyois me devoir faire bon visage, comme elle avoit fait à mon frère de Lignyeres, et à quelques autres quy estoient arrivés par un autre chemin quelques jours devant moy. Mays elle ne ifae regarda pas seulement, et passant oultre, elle dist : u J'ay failly de mescognoistre Nangis; n cela me commença de donner quelque mescontentement, et néantmoings j'achevay l'esté à la court, et luy donnay plaisir à la chasse des toiles à Monceaux.

Au moys de septembre, mon père alla pour passer Thyver à Meillan où nous estions touts, horsmys M. le chevalier de Brichanteau^ quy estoit à Malte. Comme nous estions sur nostre retour au moys de décembre, feu mon frère de Laon eût seulement une migrayne quy luy dura un jour; on donna au mesme temps advys à la court qu'il estoit mort. J'ay tousjours creû que c'estoit feu Chasteauneuf, lequel ne nous aymoit pas, quelque bonne mine qu'il nous fist.

La Royne-mère donna l'abbaye de Saincte-Genevief?e au frère de la marquise d'Anchre, designé archevesque de Tours, l'évesché de Laon au marquis Cœuvres, et l'abbaye de Barbeau à quelque autre.

1. Charles de Brîchanteau fut tué dans un combat entre les galères de Mahe et les galietes de Biserte, le 26 juin 16:25. Le marquis de Nan^s lui fît élever, en 1633, un monument dans l'église de Nangis. (P. Anselme, t. VII, p. 895.)

Nous partismes à huit jours de là. £n arrivant à Parys, touts nosamys nous vindrent voir pour serebjouyr de ia convalescence de mon frère qu'on avoit tenu pour mort, et que mesrne ses bénéfices estoient donnés^. Geste nouvelle m'outra le cœur que j*avoys desjà un peu ulcéré. Le lendemain j'allay faire la révérence à la Royne-mère, quy ne me regarda pas, soit par mesgarde, ou qu'elle creùst que je seroys offensé de ce qu'elle avoit doùné les bénéfices de mon frère, sans se souvenir de moy, et en mesme temps M. de Rouville, quy ne devoit pas estre en plus de considération que moy, luy faisant la révérence, elle luy fist très bon visage, et parla à luy, ce que ceux quy restoient là remarquèrent, et dont j'eus grande douleur; néantn^oings j'en fys le moins de semblant que je peûs.

Au commencement de l'an 1614, l'on vit esclater le ' mescontentement des princes; particulièrement la Royne-mère, pour un assez léger sujet, s'aygrit contre M.* de Nevers. Il me fist parler par La Brosse- Raquib, se plaignant que les gens de bien estoient reculés des charges ; qu'on avoit fait le marquis d*Ancbre mareschal de France ; que mon père, quy avoit tant servy et mérité, ne l'estoit point; que s'il pou voit entrer en quelque considération, je m'asseurasse que luy et ses amys s.'employeroient pour luy. Ce discours me chastouiila un petj les oreilles^ avec le mescontentement que j'avoys desja conçeû en mon ame; je luy dis que, pourveu quiis n'entreprissent rien contre le service du Roy, ils se pouvaient assufer de moy, car en effet j'avoys M. le Chancelier ' |>our ennemy« à cause