Espérer dans le sens d'attendre

lequel au lieu de m'en sçavoir gré m'avoit fort gourmande en ce voyage, avoil empesché le bien qu'on me vouloit faire en Provance et pour m'oster le peu de crédit que j'avois en Bourbonnoys et Berry, mît la compagnie de chevau-légers de M. d'Enghien en garnison dans Charenton, qui m'appartient ; et quand on liiy remonstra qu'il me desoblîgeoit , il se mit en cholère et dit qu'on fit ce qu'il commandoit.

Cela me toucha plus que tous les autres desplaisirs que jusques-là j'avois receû de luy, et je me résolus de n'accepter jamays de charge; que s'il se présentoit occasion où le Roy fit voyage , de me randre auprès du Roy et y demourer autant qu'il me plairoit. Je demouray doncques dans ma maison , allant et venant quelquefois à Fontaynebelleau et à Parys, autant que mes affaires m'y obligeoient, jusques en Tan 1 632 que j'eus advis que Monseigneur, frère du Roy, estoit entré en France : Je creùs que mon frère deLignyeres l'iroit trouver et que si par malheur il estoit pris , estant près du Roy, en ma considération, il n'auroit point de mal. il sembloit que je prévûsse ce qui arriva depuys.

Je partys deux jours devant la Sainct-Jean et vins trouver le Roy au Pont-à-Mousson. 11 me fit bon visage et M, le Cardinal aussy. J'allay voir M. Bouthilier, qui est le seul de quy jamays j'ay eu assistance. Je luy dis qu'ayant sçeù que Monseigneur, frère du Roy estoit entré en France, je me venoys rendre auprès du Roy; que je croyois y estre plus obligé qu'un autre parceque mon frère estoit auprès de son Altesse Royale. Il me dist que les fautes estoient personnelles ; il me dist ensuite qu'on y alloit envoyer M. le Prince, et que j'avois tousjours accoutumé de servir

DE BEAUVAIS-NANGIS. (i632.) 225

SOUS sa charge. Je luy dis qu'en cette occasion je supplieroys très-humblement le Roy de m'excuser parceque Mgr le Prince estoit fort soupçonneux et que mon frère de Lignyeres estant auprès de Monsieur , si par hazard on découvroit quelque chose de ce quy se passeront dans le Conseil, je craignois qu'il ne m'en accusast. Ce n'estoit pas là ma crainte, mays je ne voulois ny peu ny point servir sous sa charge ; et aussy que me doutant que Monsieur feroit son accord et voudroit mal à ceux quy auroient esté employés contre luy.

Le Roy revint dans le 20® de juillet pour passer les grandes chaleurs, prit des eaux de Forges, et vint à la mi-aoùt passer à Fontaynebelleau pour suivre son chemin en Languedoc. J'allay recevoir ses commandements, m'en revins à Nangis et delà à Paris pour traiter l'affaire de M. le marquis de Pienne avec messieurs de Beuvron où j'eus advys que mon frère de Lignyeres, allant trouver Monsieur, avoit esté pris auprès d'Alby. C'est une des plus sensibles douleurs que j'eus de ma vie; car cognoissant messieurs du Parlement de Toulouse, j'estois en grand doute de sa vie. Je partys à l'heure mesme de Parys, m'en vins passer la nuit à Nangis, prendre de l'argent et le lende- . main pris des chevaux pour aller prendre la poste à Mpntargis.

Je fis peu de diligence, car oultre que j'ay esté tousjours mauvais courrier, les postes estoient si mauvaises que l'on ne pou voit courre. Je tombay partant de Yarennes^ en Bourbonnoys, et quoyque je me fusse