CHAPITRE XIX

Le Roi marche vers Hâguenaa , dont les babiUnU lODt forcés de le recevoir avec ses troupes. — Libéralité de ce prince envers les familles de quelques ofiiciers aliemaDd& exécutés à mort par ordre de TEmpereor pour leur attachement à la France.

Doncques le Roy deslogea de Saverne le dixiesme Jour du mois de mai audictan 1563, et passa le long de Strasbourg, à une lieue près , au deuxiesme logis que fist l'armée ; et au troisiesme vint camper devant Hagueneau, dont les habitans firent fermer leurs portes, et ne laissèrent entrer personne; mesmes il fut respondu au cardinal de Lorraine qu'il n'y entreroit que luy troisiesme. De quoy Sa Majesté advertie par le ringraff qu'elle avoit envoyé devant pour les praticquer et adoulcir, elle dlst que que toutes ces rudesses provenoient des lourdes faultes que l'on avoit faictes en la prize de Metz, et qu'elle n'en esperoit pas moins de toutes les aultres, et qu'il falloit adviser du retour en France ; aussi, que depuis son entrée en Lorraine il n'avoit pu entendre aulcunes nouvelles du duc Maurice.

Mais M. le connestable , irrité du mescontentement de Sa Majesté, faict marcher Pavant garde, à laquelle il commandoit, quasi contre les murs de la ville, et bracquer quatorze canons en diligence, avec menaces que s'ils ne font ouverture au Roy, qui venoit pour 4eur liberté et les tirer hors de la tîrannie de l'Empereur, il les feroît tous pandre et fouldroyer leurs maisons et la ville.

Eux, effrayez de l'appréhension de ce tonnerre , duquel il voyoit les nuées prestes à s'i sclorre , car l'artillerie alloit jouer, demandèrent

MÉMOIBBS DE VIBILLEVILLE. — HBNfil II* [15Ô2]

terme de deux heures pour consulter par entre eux sur ceste affaire. Il leur manda pour la seconde fois que s'ils attendoient encores demie heure à se résoudre , et que Ton eust tiré une volée , ils n*esperassent plus de miséricorde ; et avoit faict desja renger en bataille , en lieu assez eminent , et qui se pouvoit Yeoir des murailles de la ville, six mille corcelets et quatre mille harquebuziers préparez à Tassault; qui fut cause qu'ils vindrent se présenter en toute humilité à M. le connestable, qui les rabroua fort asprement, les accusant d'ingratitude, et leur commanda de rentrer en la ville pour convoquer le clergé, car ils estoyent catholiques, et les aultres habltans pour venir audevant du Roy avec honneur et reverance , qui les traiteroit comme alliez et confederez : et cependant il se saesit de la porte, et y mist la compaignie du capitaine Saincte-Golombe. Cela ainsi ordonné, Sa Majesté se présente à la porte, devant laquelle les habitansdesqualitez susdictes, qui l'attendoient, se prosternèrent, le suppliants de leur pardonner ceste faulte , qu'ils avoîent commise par le maulvais conseil des villes leurs voisines. Mais il les flst lever et les receust fort amiablement, lesappellant ses confederez; et le conduisirent avec ia croix et le poisle jusques à la principale église y qui est bastie et de fondation de nos premiers roys de France ; et suivant lacoustume de ses prédécesseurs, mist pied à terre pour adorer. A l'issue de là, il deffendist que personne entrast en la ville que les officiers de sa maison et de quelques princes et favoris avec les munitionnaires; de façon qu'elle fust conservée comme si elle eust esté en vray cœur de France.

Or, encores que le Roy y eust trouvé une abondance infinie de vivres, et d'aultres grandes commoditez pour son armée , si ne prenoitil pas plaisir d'entrer ainsi parla force et menaces dedans les villes, qui dévoient, à son oppinion, envoyer audevant de luy deux ou trois lieues , le sentant approcher, et offrir leurs moyens et services; mais il sçavoit bien d'où venoi t la faulte . et après avoir revisé toutes les antiquitez du lieu , qu'il recogneust estre pour la pluspart de ses prédécesseurs roys de France , il en partit le douziesme Jour de may pour aller à Wissemhourg , aussi ville impériale , où il fust receu fort honorablement, sans aucun contraste ny apparence de reffus, mais fort ouvertement et avec toute humanité, jusques à luy vouloir fournir de vivres sans argent, que le Roy ne voulut accepter, ainsen fist prendre, en payant, ce qui estoit nécessaire par le rapport des munitionnaires.

Sa Majesté y séjourna trois ou quatre jours 9 durant lesquels les gens de guerre, tant de cheval que de pied , venoient à ia file achepter leurs commoditez , mais aussitost en sortoient : en quoy Tordre fust si bien observé , par la providence des capitaines Saincte-Golombe et Glenay, qui gardoient la porte devers Spire , toutes les aultres fermées, qu'il n'y survint jamais trouble ny confusion. Semblablement, leshabitans alloient se promener par le camp qui estoit tout autour de la ville; et les femmes eu avoient le plaisir sur le parapet des murailles, desdochiers et plus haultes maisons. Les plus riches toutesfois, et les plus gros bourgeois et apparants, s'estoient reflfugiez à Spire , et avoient emmené leurs femmes et filles , et tous leurs mesnaiges , craignants la furie et indignation du Roy, causée d'une très-Juste occasion ; car ils avoieut livré le colonel Sebastien Volgeberg, et quatre de ses capitainnes leurs concitoyens, prisonniers et serviteurs de la maison de France, à TEmpe* reur, pour le gratiffier, qui les fist mourir à Auxbourg , comme nous avons dist cy -dessus. Mais Sa Majesté n'en parla jamais , et ne voulut faire congnoistre à pas ung de ceux qui estoient demeurez en la ville qu'il eust ceste lascheté en la fantaisie^ ny désir d'en tirer vea* geance ; seulement se contenta de faire re&ir tous les parants des susdicts colonel et capitainnes, hommes et femmes, qui furent tous mis en le tente du Roy, vuide de toutes aultres gens , et distribua aux anciens de l'un et de l'autre sexe , et aux filles pour les marier, environ dix mille escus ; et aux jeunes honomaes Gst donner armes et accoustremens, et les donna aux capitainnes des vieilles bandes, pour y estre entretenus toute leur vie ; car on sceit bien que, ung voyage finy, les nouvelles vont à Saint Cassant (1). Quant aux garsons, qui estoyent environ neuf, que fils, que nepveux des susdicts, il en print quatre pour paiges de la petite écurie, et les aultres il donna à des princes et seigneurs de sa suite, les leur recommandant, et se souvenir de quelle main ; qui eurent tous son présent très-agréable, avec promesse de leur donner moyen de vivre.

Cl) Aller à Saiot-GassaDt est une expression proverbiale qui signifie être cassé» (icencié.

MBMOIAB8 DE VIBILLBVILLB. — HENRI II. [1563]