CHAPITRE XVin

M. de Vieilleville est averti que les ennemis marchent en force pour le combattre. — Utilité des espions.

Toutes les trouppes marchent allaigrement devers le villaige , en ardante délibération de combattre, mais incroyablement aises et resjouys de ce que M. de Nevers en vouloit estre, et qu'il demeuroit; car s'il s'en fust allé, il remenoit avec luy quarente braves gentilshommes qui l'avoient accompaigné jusques au Pont , lesquels eussent plustost crevé que de se laisser forcer en la barricade qui leur eust esté commise, car ils a voient le cœur et la cuyrasse de bonne trempe , et à Tespreuve de toutes les peurs et appréhensions de mort, de quelque frayeur qu'elle se fust offerte : aussi estoient-ils des meilleurs et plus anciennes races de noblesse de Bourgoigne , Champaigne et Picardie , et tels qu'un grand prince se les peut et doit choisir pour estre honoré en sa suicte , et pour la garde et seureté de sa personne.

Or , comme nous estions à^mille pas près du villaige de Corney , nous vismes à la main droicte ung homme à pied, en la plaine, qui venoit droict à nous à grande course , traversant les champs et seillonnant les bleds verds , car il y a peu ou poinct de hayes en ce pays-là ; qui ùxst cause que M. de Nevers et M. de Vieilleville firent alte pour sçavoir ce qu'il vouloit dire et de quelle part il venoit , et quel il estoit, car, en criant et appellant, il faisoit signe de son chapeau.

A rapproche , nous le recognusmes pour le maire de Villesaleron , auquel M. de Vieilleville avoit tant faict de bien à la deffaicte de Montdragon à Malatour : et quand il fut près il s'escria tout hault, disant en son pathois : « Sauvez-vous , monsieur de Vieilleville , car, par le nondé (1), le marquis Albert, qui sceyt que vous vous retirez en ce villaige, et que vous y avez couché la nuict passée, partira devant trois heures pour vous y surprendre ceste nuict , avec quatre mille hommes de pied, deux mille chevaux et six canons pour battre le village en ruyne et le foudroyer. — Dis-tu vray ? respond M. de Vieilleville. — Ouy , par la mort de monsieur; car, quand j'ay veu rartlllerie marcher droict au Pont-à-Moulin , J'ay passé incontinant la Mozelle à pied , car elle est si glacée qu'elle porte, pour vous en venir advertir. » Alors M. de Nevers va dire que le plus seur estoit de gaigner le Pont, et que trop en a qui deux en

(I) Par le nom de Dieu.

MÉMOIRBS DB TISILLBVILLB. -— HBNBI O. [1552]

meine. H. de Vieilleville , à son très-grand regret, fust bien de cest advis; et fust dist qae, sans 8*arrester au villaige, on tirast de long droict au Pont sans se y arrester, et qu'il y avoit du temps assez , et qu'on n'y laissast chose quelconque de quoy l'ennemy se peust prévaloir , et qu'il n'y demeurast ame vivante. Aussi rendiston aux huict gentilshommes lorrains leurs chevaux , avec permission de se retirer; ce qu'ib firent , car ils n'estoient pas de bonne prise , ne portants poinct les armes contre le Roy.

Hais Vignaucourt, en prenant congé, ne se peult garder de dire à M. de Vieilleville qu'il ne s'esbahissoit plus s'il avoit tousjours du bon et s'il faisoit de si belles choses , puisqu'il avoit de si braves et hardis espions; car il regnioit Dieu s'il n'avoit veu hier celluy qui se nomme Habert en la chambre de l'Empereur , qui s'advouoit du colonel Bastien Schartel qu'il avoit laissé malade à Strasbourg; et l'aultre , dernier venu, il Tavoit veu vendre depuis quatre jours pain et vin au camp du marquis Albert de Brandebourg. « Yignaucourt , mon amy , respond M. de Vieilleville, tout homme qui se mesle de conduire la guerre, s'il n'est garny de tels confidents et serviteurs occultes , n'aura jamais honneur en ses entreprises y et sera tousjours en réputation de mal-habile homme et tenu pour un sot , en dangier, au reste, d'estre le plus souvent surpris en ses mesmes açabuscades : or, adieu, Vignaucourt : si vous trouvez le prince de l'Infantasque par les chemins, vous luy direz qu'il nous trouvera à Thoul , mais que , s'il ne nous prend en quatre jours , qu'il ne nous prendra jamais, car M. le connestable est à Sainct-Dizier avecques cinquante mille hommes et trente pièces d'artillerie , qui marche à grandes journées pour secourir M. de Guyse. » Ainsi s'en retournèrent ces Lorrains dire maulvaises nouvelles à leur maistresse la douairière de Lorrainoe , et que ses beaux présents estoient tombez en tierce main, qui se mocquent, pour tous remerciements, des menaces de l'Empereur et de sa niepce.