CHAPITRE XXXIII
M. de Tieilleville arrive i la Coar.
Nostre partement nous flst deux visaiges, Tun fort Joyeulx , mais Taultre fort triste; car tous les capitainnes, espérants que le Roy recompenseroit leurs services , et qu'il imprimeroit leurs noms en sa mémoire, par le bon rapport que luy en feroit celuy qui leur avoit si long-temps commandé, en estoient très-aises, et l'eussent desja voulu devant Sa Majesté ; mais les habitants en général et de toutes qualitez , sans un seul excepter, y avoient ung regret infini, qu'ils nous tesmolgnerent par abondance de larmes en leurs adieux , estants tousjours en Timaginalre oppinion cy-dessus recitée, pour la crainte qu*ils avoient de le perdre et de ne le reveoir Jamais.
Nostre voyalge fut de huict Jours; et par toutes les villes où il passa on le receut fort honorablement. En quoy le gouverneur de Ghaailons, en l'absence de M. de Neverâ, ne s'espargna pas , car il vint avec le clergé, gens de justice et les chefs de THostel-de-Ville , audevant de luy plus de demie-lleue. Je laisse les haranges à part que luy firent ces trois estats; mais celle des Juges estoit fort excellente.
Estants à Rozay en Brie, il envoya devers le mareschal-des-logfs du Roy annoncer sa venue , et luy faire entendre sa trooppe , qui estoit d'environ soixante chevaulx , pour les accommoder; mais Incontinant que le cardinal de Lenonoourt, qui tenoit les premiers rancs à la Cour, soubs la faveur de MM. de Goyse, sceust qu'il approchoit, il se retira en une sienne abbaye nommée Barbais , ou Barbeaux , distante d'environ lieue et demie de Fontainebleau.
Enfin nous arrivasmes à la Cour, accompaignez de M. le prince de La Roche-sur- Yon et de M. le mareschal Salnct- André, qui luy estoicint venus audevant environ quart de lieue. Et après s'estre présenté au Roy, qui le receust très-humainement et avec un fort bon et riant visaige , il se retira en sa chambre qui estoit en la bassecour, pour se raffraichir et changer d'habits ; mais 11 n'y fiist gueres que Sa Majesté ne le ren-
HjéHOiRES DE VIEILLEY ILLB . —HENRI II. [1555]
voya quérir. Et estant arrivé, elle le flst entrer en son cabinet , qui fut fermé , où ils furent plus d'une grosse heure; et à Tyssue de-là il trouva tous les plus grands de la Cour, qui attendoient que le Roy sortit; lesquels il salua selon leurs rancs, car il en sçavoit Tusaige. Des ungs il fut receu cordialement, des aultres à la courtisanne ; mais de tous il ne se donnoit pas grande peine , puisque son maistre luy avoit faict une telle et si joyeuse démonstration d'aise de sa venue , et d'un si grand contentement de ses services. Tout le reste de la journée se passa en visites, de chambre en chambre; et commencea par celle de la Royne, qui le receust très-humainement, comme firent mesdames Elisabeth et Claude ses filles , et aultres princesses là présentes.
Le lendemain , le Roy luy mist le grand collier de rOrdre sur les espaules, mais avec telle pompe et cérémonie comme s'il l'eust créé de nouveau chevalier; car il porta luy mesme son grand manteau de l'Ordre et grand collier à la messe, en pareille magnificence qu'au propre jour de Sainct-Michel. Et furent faicts chevaliers de l'Ordre ce jour-là M. de Bouillon (l),fils aisné du mareschal de La Marche, et le comte de Charny, pour luy faire compaignie, qui ne l'eussent esté de long-temps, car ils estoient encore fort jeunes et sans aulcun mérite (2). Eulx aussi, remarquants ceste advanture, Tappellerent depuis tousjours leur père d'honneur. Il y eust beaucoup de princes et d'aultres grands qui accompaignerent le Roy en ceste magnificence, avec leurs manteaux et colliers; mais M. le cardinal de Lorrainne, qui y devoit par honneur assister, estant chancelier de TOrdre, n'y comparut poinct, s'excusant sur sa colicque : aussi peu M. le connestable , qui n'y devoit pas toutesfois faillir, comme le plus ancien chevalier de France, se disant tourmenté de sa migraine. Cependant Sa Majesté découvroit assez toutes ses faintaisies et symultes (3).
