CHAPITRE XIV

Lei Fmiçidi entrent dani ThionvUle,

Le lendemain , à l'heure dicte , M. de Guyse passa la rivière et vint aux tranchées de M. de Vieilleville , qu'il admira grandement , et encores plus la diligence de les avoir sitost et soudainement faictes, veu la longueur du chemin , leur largeur et profondeur. Mais quand il fut entré dedans le tourrillon , il cogneust bien que la place avoit esté merveilleusement bien revisée par cest endroict; renasquant et maudissant le mareschal de Strozzy , voyre soy-mesme , de s'estre ainsi laissé infatuer et engamer (1) de son oppinion , qui l'avoit diverty de suivre celle de M. de Vieilleville ; qu'il voyoit bien, par preuve manifeste , avoir esté la meilleure [à qnoy s'accordoîent tous les seigneurs là présents ] , et que l'on avoit inutilement perdu saeze journées. Enfin Carebbe et tout ce qu'il avoit de reste de soldats , ensemble les habitans de tous aiges et sexes , sortirent de la ville , à la veue de toute l'armée ; ausquels M. de Vieilleville donna pour

(!) Engouer.

escorte les capitalnnes Sainct Remy , d'Amezan et Roumolles, affin qu'il ne leur fust fiadct anlcun desplaisir ou supercherie contre sa paroile et capitulation ; et n'avoient charge de les accompaigner, avec leurs bandes, qu'àdeux lieues prèsd'Arlon: ce qu'ils firent si respectueusement qu'il n'y survint aulcun desordre. Ce deslogement toutesfois estoit fort pitoyable, de veoir un nombre infini de vieillards , de femmes , de filles , d'enfants et de soldats blessez et estropiez , se retirer de telle façon , et abandonner leurs terres , maisons et propres héritages ; et n'y avoit personne qui n'en fust saezy de quelque compassion , horsmis M. de Guyse, car ii avoit exercé une plus grande rigueur à ceulx de Calais, d'où il estoit venu n'agueres; car , ne voulant pas qu'au sortir de la ville ilsallassent à la comté d'Oye ny en Flandres , il les contraignit de demeurer sur le bord de la mer deux Jours entiers, et en hyver , avec leurs malades et enfants , attendre des vaisseaux pour passer en Angleterre. Voilà comme le vingt-deuxiesme Jour de Juing 1558 la ville de Théonville , appellée en langue wallonne Thuienau^ fut reduicte en l'obeyssance du Roy ; de la prise de laquelle le lecteur pourra fort aisément loger, s'il n'est bien hors de soy et passionné , par ce discours très-veritable, à qui en appartient l'honneur ; encores que nos historiens modernes ayent tâché , par tous moyens , de l'attribuer , comme larrons de la gloire d'autruy , à M. de Guyse , qui y eust esté plus de trois mois , si la valeur , l'industrie , la diligence et la bonne fortune de M. de Vieilleville n'y fussent intervenus. Sa Majesté , cependant, qui estoit bien informée de tout, luy donna sa voix , mais très-marrie de la lotaguenr qui y survint par l'oppiniastreté d'aulcuns, au nioyen de laquelle il eschappa des occasions de trèsgrande conséquence pour l'augmentation de sa couronne et de tout son Estât, comme nous dirons.