C. p. K. T. IX
Alors le Roy va parler ainsi à toute l'assemblée : « Encores fault-il , mes bons amis , que je vous die de quelle part m'est venu ce religieux , affin que vous m'aydiez à bien vouloir et parfaictement aimer celluy qui me l'a envoyé , qui est M. de Yieilleville; lequel , encores qu'il soit bien esloigné de moy, a esté si soigneux de mon honneur et de mon Estât , que , saichant que le roy d'Hespaigne et moy eussions plustost crevé que de demander la paix , il m'a depesché ce sainct homme, qui en a mis sus les premiers propos, dont vous en voyez les effects : mais ce n'est pas tout , car je veulx qu'il vous recite par le menu de quel artifice M. de Yieilleville luy avoit faict la bouche , et l'addresse qu'il luy a donnée en ceste négociation , en laquelle il s'est fort dignement acquité, et en homme de très-bon esprit. Cependant vous m'estes tesmoings comme domp Rigonne a demandé à M. Le Grand ma fille aisnée pour son roaistre. »
Quand le moyne eust achevé de discourir toutes les instructions de M. de Yieilleville , ses allées et venues devers lesdeux Roys, et ensomme tout ce qui s'estoit passé en sa légation^ toute ceste grande compaignie de princes et seigneurs hault louèrent merveilleusement le sens , la providence et le grand soing de M. de Yieilleville , d'avoir détourné le cueur de Sa Majesté de donner bataille , par l'exemple de celle de Sainct- Quentin ; et entre aultres , M . le prince de Gondé ne se peust garder de dire que M. de Yieilleville les faisoit bien rougir ; qu'estants sur les lieux ils n'avoient peu preveoir les dangiers d'une bataille aussi bien que luy, qui en estoit esloigné de plus de cinquante lieues. A quoy M. de Nevers replicqua que l'on ne le devoit trouver estrange, car il arrive ordinairement que ceulx qui regardent jouer remarquent plustost les faultes qui se font au jeu , que les joueurs eulx-mesmes. Et sur ceste comparaison , qui fut trouvé fort pertinente et à propos , tout chacun en dist sa râtelée; le tout à la louange de M. de Yieilleville , et de son ardente affection à la grandeur et accroissement de l'Estat de son maistre , et conservation de son honneur.
Mais M. le comte de Sancerre, qui avoit veu de-là les Monts , et par toute l'Italie , à Saint- Dizîer et Landrecy, ce qu'il avoit faict , et ce qu'il sçavoit faire , va dire tout hault que c'estoit l'un des plus braves capitainnes et déterminez guerriers qui soient en France : et , addressant sa parolle au Roy, luy dist que si le feu roy son seigneur et père, qui cognoissoit sa valeur et mérites, eust encores vescu trois ans, il n'eust pas esté à le pourveoir d'ung estât de roarescbal de France; et qu'il se souvient, comme ayant
ICBMOIBBS DB YIBILLBTULH» — HBRBI II. [1668]
esté présent à sa mort, qu'il dlst à Yostre Majesté ces propres paroUes :
a Mon fils , je vous prie , et neantmoins commande , comme par testament et dernière volonté , que si M. de Vieilleville n'a le premier estât de mareschal de France vacquant après ma mort , qu*il aict , sans y faillir, le second : et si vous m'avez aimé, observez ceste ordonnance; et mourut trois heures après. »
Sur quoy Sa Majesté , qui se souvenoit bien de ce commandement , luy respondit que ce qui estoit différé n'estoit pas perdu , et que cest advantaige ne luy pouvoit faillir si Dieu preste encores un an de vie à tous deux ; et plustost qu'il y manque , il en érigera ung qui sera supernumeraire.
