CHAPITRE XXVI

M. de Vieilleville desapprouve \eê conditions de la paix

faite avec la Savoie.

Mais le Roy, pour l'extrême envie qu'il avoit de recommencer les joustes , abrégea tous ces festins , et ouvrit le pas , les huict jours expirez, dos nopces et tous les festaiges , contre i'oppinion toutesfois de M. de Vieilleville ; disant à Sa Majesté qu'il luy sembloit qu'elle avoit assez démené ce passe-temps , et qu'en son particulier elle en rapportoit ung merveilleux honneur, et sa noblesse une bien grande réputation , et qu'il estoit nécessaire de regarder aux nopces de M. de Savoye et de madame Marguerite sa sœur ; car, puisqu'il estoit là en personne , il estoit plus que raisonnable de le depescher, sans le tant faire

languir. Aussi Sadite Majesté respondit que au premier de juillet il y mettrait une fin ; car tout ce qui dependoit de ce mariaige n'estoit encores décidé , estant question de rendre au duc de Savoye tout le Piedmont , la Savoye , la ville de Bourg , et tout le pays de Bresse ; et que M. le connestable qui manioit ceste affaire, sur lequel il s'estoit du tout en tout remis et fié , n'estoit encores prest , mais qu'il en attendoit sa resolution devant huict jours , et de tous les entremetteurs de ce mariage d'une part et d'aultre , qui estoient tous assemblez en sa maison d'£scouan pour cest effect.

De quoy M. de Vieilleville demeura fort estonné ; et ne pouvoit bien comprandre ny faire entrer en son esprit qu'il fallut rendre et quicter tant de provinces, villes et chasteaulx , avec une si esmerveillable estendue de pays, qui avoit cousté au (en Roy son père et à la couronne de France plus de quarante millions d'or , et cent mille testes à conquérir, pour le mariaige d'une fille de France , dont l'ordinaire estoit tout courant, et à grandissime joye, à cent cinquante mille escus pour le plus : car les ducs d'Italie et d'Àllemaigne qui sont souverains s'y battent à la perche , pour le très-remarquable et très-illustre honneur qu'ils enracinent en leurs maisons et posteritez , d'espouser les filles du plus grand roy de toute l'Europe ; et que ung duc de Ferrare, pour espouser Renée , fille du roy Loys douziesme, n'en eust jamais davantaige, encores n'en fust-ii payé que delà moitié comptant, et le reste en papiers. Et ne se peust M. de Vieilleville garder, pour Tindicible regret qu'il avoit de veoir un tel desmembrement de Testât de France, de luy remonstrer tout ce que dessus; yadjoustant davantaige que M. le connestable luy faisoit bien praticquer la puissance et authorité d'un connestable de France ; car on dict communément qu'il peult engaiger la tierce partie du Royaume en une extrême nécessité ; «on n'y a pas failli à ce coup, car pour estre quicte de sa ranson à M. de Savoye , de qui il estoit prisonnier, montante àquatre cents mille escus, il vous a forcé d'arracher ce très-riche et très-luisant fleuron de vostre couronne, couvrant son jeu du mariaige de madame vostre sœur , qui n'eust pas esté la première fille de France qui aict finy ses jours en une bonne abbaye ; aussi bien elle a quarante ans passez. « Mais que deviendront , Sire , ces l>eaulx parlements de Thurin et de Chambery , et les chambres des comptes que le feu Roy vostre seigneur et père, avec ung grand nombre d'aultres Estais, y avoit instituez a la française; à l'exercice desquels une infinité de Français s'y estoient peuplez et

MiHOIBBS DB VIBILLBVILLB. — HBHBI II. [1659]

arasez (i);et desja à Thurin on parloit aasgi bon français que à Lyon ; car les habitants quictoient leur langaige naturel d'italien corrompu pour apprendre le nostre , et s'y deleetoient.

» Et pouvez croire , Sire , que incontinant que le duc de Savoye sera rentré en ses terres , il exterminera tout ce que vous y avez planté , pour en faire perdre la mémoire à jamais : de sorte que toute la gloire que la France avoit acquise en Italie, par l'espace de vingt-six ou trente ans , sera du tout estaincte ; et l'espérance de pouvoir jamais retirer la duché de Milan vous est entièrement eschappée et perdue ; mais ce qui plus me trouble l'esprit et dragonne l'ame , est que vous avez fisiict cest advantaige au lieutenant général de vostre naturel et mortel ennemy le roy d'Hespaigne *, qui sera , par le moyen de ceste voisinance, quand il luy plaira, aux portes de la ville de Lyon ; laquelle auparavant ceste alliance es toit quasi au milieu de vostre Royaume , et est maintenant devenue frontière. Mais bien plus , Sire , il ne fault que ceste advantageuse commodité pour leur faire chercher les moyens de bien-tost rompre la paix. Par ainsi , c'est à Vostre Majesté à se tenir sur ses gardes ; car il y a aultant de fiance et de seureté en la foy hespaignole, qu'en la santé de rhomme qui a cent ans passez. »

Le Boy ne pust respondre, sur ceste brave et très-considérable remonstrance , aultre chose sinon qu'il mauldissoit l'heure qu'il ne luy avoit communiqué ceste affaire , deux ou trois mois premier que d'y entrer; car il ne se pouvoit mieulx dire ny conseiller , rejectant toute flatterie , pour la conservation de son £stat , adjoustant en grande colère qu'il s'estoit grandement oublié de faire un tel advantaige à sa sœur, qui estoit quasi la septième partie de son royaume; et qu'il ne sçavoit à qui s'en prendre qu'au connestable , qui avoit mis "SUS le premier propos de ce mariaige , estant encores prisonnier dudict duc de Savoye, qui luy avoit faict présent de sa rançon ; mais qu'il se consoloit d'une chose, que ledict duc de Savoye avoit fort volontairement accepté Testât de connestable de France après sa mort , et en a la reserve bien depeschée , qui l'asseuroit que à jamais la paix sera inviolable entre le roi d'Hespaigne et lui. Mais M. de Yieilleville répliqua qu'il estoit à craindre qu'il en usast comme le comte de Sainct Paul , de la maison de Luxembourg, qui fut créé connestable de France par une paix qui se flst aussi entre le roy Loys onziesme et le duc de Bourgoigne , duquel il estoit lieutenant-geuerai ; mais

0) Établis avec leuri familles.

toujours il favorisoit par soubs main le dnede Bonrgoigne son premier maistre, au grand doavantaige du roy Loys , auquel il flst une iofinité de frasqueries et tradiments, oomme il se peult veoir aux mémoires de Philippe» de Gomines. Mais le Roy repartit incontinant, disant que si le duc de Savoye entre en es jeu-là, il luy fera aussi-tost trancher la teste, que flst m prédécesseur à l'aultre.