CHAPITRE III (I

M. de Vieillevillfi est Tait chevalier d'honneur de la reine

Catherine de Médicis.

La reine mère, qui prevoyolt bien que

M. de Vieilleville seroit de ce nombre , le subrogea en la place de son chevalier d'honneur qui estoit demeuré malade à Paris, et eust ses trois logis accoustumés au pied du chasteau , pour son train en la ville , et pour son escurie ung bon viilaige. Par aultre voye n'y pouvoit-elle donner ordre, car tous les officiers de la maison du Roy, son seigneur et fils, chancelier, trésoriers, secrétaires des commandemens , capitainnes des gardes , mareschàulx de logis , maistres d'hosteis et des requestes , se trouvoient de grand matin au lever du Roy pour recevoir les comman* déments, et s'y faisoient toutes ordonnances par les deux frères (2) , sans que sa mère y fast appellée , qui estoit un mespris du tout insupportable. Et , entre aultres, ils en firent publier une, que quiconque, de quelque qualité qu'il fust, parleroit de convoquer et assembler les Estats , seroit declairé ennemi du Roy, et coulpable du crime de leze-majesté , donnants à entendre à Sadicte Majesté que , s'il permettoit à son peuple de luy eslire un conseil , il le vouldroit doresnavant tenir comme soubs la verge , tellement qu'il ne luy demeureroit rien d'un roy que le tiltre seulement, et que ce seroit faire grand tort et' injure à sa prudence , qu'il avoit desja assez grande et suffisante pour gouverner et soy et son peuple, langaige causé (3) et contenu en ladicte ordonnance , laquelle , oultre la publication qui en fust faicte par la ville et fauxbourgs d'Amboise , ils firent imprimer, affin que toute la France n'en pretendist cause d'ignorance.