CHAPITRE XXXVin
Consternation des Parisiens aux premières nouvelles de
la bataille de Dreux.
Or les nouvelles de la bataille gaignée par le prince de Gondé vindrent le dimanche, environ trois heures après miûuict, à Paris ; qui rendit la ville si troublée et esmeue , car il n'y a que douze petites lieues jusques à Dreux, qu'ils pensoient estre desja pris : et y avoit aultant de gens par les rues qu*en plain Jour. Et estant M. de Vieilleville venu du bois de Vincennes en son logis ordinaire chez Clairefontaine, près la Croix du Tiroir, pour quelques affaires, les principaulx de la rue vindrent frapper à sa porte, luy annoncer ceste triste nouvelle et prendre conseil de ce qu'ils avoient à faire. Lequel incontinant se levé , et faict chercher ceulx qui l'avoient apportée. Et luy fust amené ung nommé Bretonniere,'qui luy dist avoir esté aultrefois soldat à Metz, de la compaignie du capitainne de La Molle, et qu'il a eu cest honneur d*estre commandé de luy ; mais qu'il le fasse mourir s'il n'a veu deffaire les Suysses , mener M. le connestable prisonnier, porter par terre M. d'Aumalle, et M. de Sanssac prendre la fuicte, avec huit cents chevaulx pour le moins devers Mantes ; et que luy, qui estoit de la trouppe, estant blessé, il a pris le chemin de Paris. Ung capitainne de Suysses et ung gentilhomme de Brie , nommé Bresche, qui luy furent aussi amenez , luy en dirent aultant. Et leur demandant M. de Vieilleville où estoit M. de Guyse lors de ces deffaictes , ils ne luy en sceurent rien dire , ny respondre aulcune chose sur ceste demande, encores qu'il leur remonstrast qu'il estoit impossible que tout cela eust passé de ceste façon sans que le duc de Guyse ne fu&t de la meslée, estant le plus vaillant , accort et rusé capitainne, voire des deux armées ; et qu'il falloit nécessairement qu'il se soit faict tuer en combattant ; de quoy les ennemis auront faict un merveilleux trophée, car il leur estoit fort redoutable, et par ainsi sa mort publiée dans toute l'armée. Eulx respondirent qu ils n'en avoient Jamais ouy parler en toutes ces factions.
Alors M. de Vieilleville va dire à toute l'assistance, qui estoient vingt ou trente, que gens d'église , que de Justice , trésoriers, riches marchants, et bourf:;eois : • Messieurs, puisqu'ils ne me peuvent resouidredes actions de M. de Guyse, Je m'en veoy de ce pas porter ma teste au Roy et à la Royne , et me rendre prisonnier entre les mains du prevost de Thostel, au cas que devant la minuict de ce Jour, vingtiesme de décembre ,
MÉUOIBES DE VIBILLETILLE. — CHÀBLE8 IX. [l562j
la noQveUe qu^ils ont apportée ne se trouve du tout renversée , et que la victoire sera à Thonneuf du Roy et de nostre costé : et vivez en ceste espérance ; car je cognois la valeur de IVf . de Guyse , qui n*a pas sans cause voulu accepter aulcun commandement en Tarmée , pour Jouer son jeu à part et user d'un terrible revers d*arriere-main sur son eunemy. Et là-dessus il demande ses chevaulx pour aller trouver Leurs Msjestés au bois de Yincennes , leur disant, oultre cela , qu'il veult , au cas qu'il n'en advienne ainsi, que sa teste soit mise sur la porte Saint Honoré , et les prand pour tesmoings de sa parolle, et qu'ils aillent prier et faire prier Dieu.
