CHAPITRE XLIL
Le maréchal de Montmorency apprend à la Reine- mère la mort du maréchal de Saint-Andrë. — Douleur de M. do Vieilleville en apprenant cette nouvelle. — Il refuse l'état de maréchal de France que la Reine lui offre.
Lors M. le mareschal de Montmorency luy dist telles parolles : « Vostre Majesté , madame, sceit fort bien les mérités , valeurs , grands ^rvices et voyaiges qu'a faicts M. de Vieilleville depuis trente-cinq ans , sans en avoir jamais tiré aulcune recompence que l'on puisse mectre en compte de condigne rémunération pour ses braves gestes et despences infinies qu'il luy a convenu faire pour en venir à son honneur , avec mille hazards de sa vie ; et maintenant qu'il se présente une brave occasion , pour le rendre contant , de le préférer à tout aultre en ung estât de marque qui vacque maintenant et qu'il a tousjours espéré , Je suis venu exprès si matin , et à son desceu , pour vous supplier trèshumblement d'avoir mémoire de ses valeureux services et le luy octroyer. — Mon Dieu ! dist la Royne^ que pourroit-ce estre? — C'est, respondil , que le sieur de Losses , qui a tout son ad vancément de M. le connestable mon père , me dist arsoir, par grand secret , que vous l'envoyastes
MBIIOIBBS DB VIBILLBYUXB. — GHABLB8 IX. [156)]
en mon logis où souppoit M. de YieilleviUey que ^. le mareschal de Saint André fut tué samedy , entre huict et neuf lieures du soir, par Bobigoy en une rencontre; et de paour que ceste nouvelle ne soit publiée, et vous importunée par plusieurs pour en estre pourveus, Je suis venu le premier , chose très-certaine , pour la vous demander, m'ayant la ferme amitié que Je porte à M. de Vieilleville poulsé à ceste diligence. »
La Royne, très-desplaisante de ceste nouvelle ; luy dit qu'elle luy accordoit sa demande comme très-raisonnable , et qu'il y avoit longtemps que le feu Roy, son seigneur et mary, luy avoit donné ung brevet signé de sa main , de la première vaccaute , qu'il luy avoit semblableinent commandé à l'article de la mort de signer ; ce qu'elle fist : « Et puisque vous estes , distelle, tout à main , allez, je vous prie, le saluer mareschal de France de la part du Hoy mon fils et de la mienne. 9
Le mareschal prand très-volontairement ceste charge , et vint trouver M. de Vieilleville en son logis , encores au lict. Et luy annonceant ceste piteuse nouvelle , n'oublia rien de ce que la Royne luy avoit commandé. Mais , au lieu de s'en resjouir, il fist ung cry si grand qu'on pensoit qu'il deust rendre l'esprit, mauldissant Testât , etplustost la mort que de l'accepter, ne voulant succéder à la personne du monde qu'il avoit la mieulx aimée , et qu'il ne vouloit plus vivre ; et que s'il n'estoit chrestien il se tueroit et defferoit de ses propres mains ; le priant de se retirer et le laisser mourir à son aise ; que si Sa Majesté le veult donner à quelqu'un , il laquicte de son seing , et le feu roy son seigneur et mary, mesme le Roy son fils de leurs signatures; et les fist tirer de ses coffres , puis les rompit et les luy envoya tous couppez et lacerez.
Quand le mareschal de Montmorency eust faict son rapport et monstre les brevets et toutes signatures ainsi rompues , Sa Majesté demeura aussi esperdue que jamais , pour n'avoir veu de sa vie un tel reffus d'une si excellente et sublime qualité , pour de laquelle jouir les plus grands de France se battent à la perche, et y exposent tous leurs biens et leur vie. Et elle , qui s'estoit levée à ceste nouvelle , avoit desja envoyé quérir M. le chancelier pour sceller les lettres d'estat de mareschal de France au nom de M. de Vieilleville, que M. de i'Aubespine avoit charge de dresser, et toutes prestes , selon le formulaire qu'ils en ont , et commandement à eulx faict de les apporter en la chambre du Roy ; mais elle mena ledict sieur mareschal de Montmorency pour réitérer son) rapport; qui n'en fust pas moins esbahy que sa mère.
