I. C« D. M. T. IX

M. le mareschal , adverty de ceste cruauté , envoya sa garde au lieu où estoit le corps , avec commandement de donner bastonnades aux habitants des maisons voisines, et de les contraindre de Tenterrer incontinant. Ce qui fust fort promptement exécuté , où assistèrent tous les bourgeois de la rue ; hommes et femmes, à leur grand crevecueur, car les soldats, qui sçavoient toute l'histoire, leur reprocheoient que, si on ne Teust volé au chasteau de quatre ou cinq mille escus , il avoit bien de quoy se faire bien honorablement enterrer; et que M. le mareschal ne s'en vouloit pas taire, mais qu'il falloit sçavoir qu'estoit devenu cest argent, pour le mettre entre les mains du receveur de la ville , comme appartenant au Roy ; avec une infinité d'aultres propos que soldats en colère peuvent jecter à la volée , sans en considérer la conséquence.

Cependant ces parolles intimidèrent M. de Villebon Jusques au fonds de son cueur, et envoya un conseiller de la cour, nommé Lonpan , qui estoit sa créature et toute son addresse en tout ce corps de parlement, devers M. le mareschal, pour sentir de Iuy tout de loing ce qu'il avoit en fantaisie , et sa délibération sur l'argent de Boysgiraud.

Luy arrrivé à Saint Ouan, accompaigné de six aultres conseillers , vestus en robbes longues de damas, de satin picqué et de taffetas , il commencea à parler ainsi :