CHAPITRE XVI

Fin de la sédition.

Toute la nuict de ce mardy l'on n'oyoit aaltn chose que coches , chariots et bagaiges de gendarmes , qui se desrobboient à la file avec leurs femmes , craignants la furie d'un mareschai de France. Mais, au lieu d'user de vindicte, il commanda aux capitainnes des vieilles bandes d'aller après sans les nullement offenser, mais prandre les clefs des portes , les laissant librement passer.

Toute la populasse , au reste , se vint Jecter en la place de Saint Ouan, criant miséricorde, et qu'ils avoient esté seduicts par les neveux de Villebon , et le supplioient, les genoux en terre, de leur pardonner. Qui fut cause qu'il sortit sur la mynuict pour les asseurer qu'ils n'anrolent aulcun mal , ayant oublié toutes leurs folles; et le leur promettoit-il sur son honneur et sur son ame , leur commandant de se retirer. Ce qu'ils firent en louant Dieu , s' offrants de le prier toute leur vye pour sa prospérité et santé ; et en firent publicquement serment, avec offre de lay apporter et rendre leurs armes.

Telle fut la fin de nostre guerre, et de ce votalge siège si légèrement entrepris , auquel nous ne perdismes un seul homme , et eulx plus de six vingts , sans y comprendre la très-grande honte qu'ils y receurent. Mais une populasse qui ne sceyt que c'est que du poinct d'honneur n'a pas aussi accoustumé de rougir pour quelque ignominie qui luy survienne, et se contante qu'on luy fasse pardon , qu'elle demande affrontement , comme vous avez veu ; là où le gentilhomme d'honneur creverolt plustost que d'y venir , craignant que une si poultronne sabmlssion fust reprochable à sa postérité.

IfÉMOIHBS DE YIBILLEVILLE. — GHABLES IX. [1563]

Le leodemain de bon matin , qui estoit le mercredi ; messieurs les présidents » et la pluspart des conseillers , se vindrent présenter à la porte da logis de M. le mareschal , ausqueis il fQt reponda par la garde qu'il leur estoit deffenda de les laisser entrer. Mais sur la grande InstaDce qu'ils en firent, il fut commandé de leur ouvrir. Ausquds M. le mareschal fist une réprimande assez rigoureuse , contenant , entre aoltres , que, sans le respect qu'il porte à leurs digoitez , y estant convyé'comme l'un des chefs, à cause de son estât , de toute la Justice de France, il leur feroit tout présentement sentir leur noQchallance ou stupidité , de n'avoir pu faire cesser ce tumulte populaire , veu leur autorité et puissance absolue. Et sans aultre dis-, cours , leur commanda de se retirer incontinant de sa présence.

Lors l'un d'entr'eulx , nommé Duval , parisien, qui se sentoit fiavorisé de M. le mareschal, prlnt la parolle et voulut haranguer ; mais il ne le voulut permettre , et luy commanda de se taire, disant qu'ils luy avoient bien faict paroistre qu'ils desiroient sa mort et de toute sa suicte : toutesfois, puisque, par la grande bonté de Dieu , il en estoit eschappé , il leur pardon- Doit toutes leurs mauvaises conceptions ; leur commandant pour la seconde fois de se retirer : ce qu'ils firent avecques humbles supplications de les excuser s'ils s'estoient oubliez en ce devoir, car il ne leur estoit jamais arrivé ung tel desastre , pour auquel donner l'ordre qui y estoit requis et nécessaire il leur fut impossible de s'assembler; et le plus expédient qu'ils peurent imaginer en telle combustion, fut de gaigner leurs maisons pour saulver leurs vyes , et s'escarter d'une si grande furie populaire. Et sur l'heure , en faveur de ceste très-honneste et humble remonstrance , il commanda à son mareschol des logis de descharger leurs maisons de leurs hostes , et de les accommoder incontinant ailleurs. De quoy ils luy firent tous ensemble à haulte voix un merveilleux remercyement , et se retirèrent très-contants : aussi n'estoient-ils là venus que pour obtenir ceste grâce ; mais ils différèrent d'en parler le voyant en colère : de laquelle M. le mareschal les voulut bien gratifier, estant bien adverty de leurs intentions , et que ce malheur n'estoit survenu par leur malice , mais plustost par pusillanimité et faulte de couraige , qui est très-commune et quasi naturelle à toutes personnes de leur robbe et qualité.