CHAPITRE XX

L« maréchal de Brisiac esi rappelé pour prendre le commandement de l'année apréa l*asMSainat du duc de Goiae.

Mais parmy ces passe-temps arriva ung courrier de la part du Roy , exprès , à M. le mareschal de Rrissac , loy apportant ung pouvoir pouraliercommander en Tarmée devant Orléans, y ayant esté blessé à mort le duc de Guyse par

ung jeune homme nommé Poltrot, de la maison de Merey , lequel , estant sorty d*Orleans, s'estoit venu rendre à luy soubs ombre de bonne foy , et Fasseuroit que devant deux jours la ville seroit sienne, et que Dandelot ny tous les assiégez ne pouvoient plus tenir, et qu'il ne vouloit pas mourir avecques eulx. Son histoire est es« crite ailleurs ; qui faict que je m'en déporte.

Le mareschal de Brissac , très-aise et trèshonoré de ceste charge, s'appreste en toute diligence de marcher : aussi qu'il se voyoit inutile à Rouan , car il n'y commanda nullement, pour les susdlctes raisons que le lecteur trouvera pertinentes.

Ce que saichant , M. le mareschal de Vieilleville me voulut depescher devers Sa Majesté pour luy remonstrer qu'il n^ pou voit plus demeurer h Rouan si le sieur de Yillebon n'en sortoit ; car il estoit nuict et jour en appréhension de que'que tumulte et révolte , estant bien adverty des practiques et menées secrettes qui se faisolent, tant par ung bon nombre de gentilshommes ses parants , voisins et vassaulx, que par une infinité de bourgeois qui luy estoient particulièrement affectionnez , et ausquels il devoit beaucoup , pour avoir revanche de ce qui luy estoit advenu; et que Sadicte Majesté ne troavast maulvais s'il s'en retourne en sa maison à Burestal , la suppliant d'avoir très-agréable le service qu'il luy avoit faict.

Mais M. le mareschal de Brissac , craignant que , par ceste longueur de chemin et de la responce de Sa Majesté, ceste très-belle charge luy eschappast , et que par son retardement l'on y eust subrogé un aultre , ou que la mort du due de Guyse intervint , il s'en alla , au desceu de M. le mareschal de Yieilleville , sous ombre de Visitation , au chasteau , bien accompaigné ; duquel il fîst sortir M. de Yillebon (1), tout malade qu'il estoit', avec madame de Yillebon , dames ) damoiselles et toutes sortes de domestiques qu'il mist dehors en grande colère , disant qu'il avoit commandement du Roy de ce faire : et flst jecter tous meubles en la rue, devant le chasteau ; en quoy il y eust tant de cris , de mescontentements et de larmes, que c'estoit chose très-pitoyable à veoir.

En telle et si urgente nécessité , les habitants de la ville firent de grands et charitables offices à leur gouverneur , à sa femme fort esplourée et à toute leur suicte ; car , en moins de deux heures , ils trouvèrent lictiere pour sa personne ,

(1) Villebon revint A Rouen a\ec sa famille lors<jae les inaréchaui de Vieilleviiie et de Brissac en fureut sortis. Il contiaoa d'y exercer les fooctious de sa charge.

MBMOIBBS DB VIBILLBVILLB. — CHÀfiLBS IX. [1563|

chariots pour les femmes, chevaulx pour les gentilshommes et aultres , et charrois pour enlever tout le bagaige. Mais le susdict mareschal ne les abandonna poinct qu'ils ne fussent sortis hors la ville par la porte de Rougemare, quelque doleance ouremonstrance que peussent faire ces povres désolez.

De quoy adverty M. le mareschal de Vieilleville , il en fust fort esbahy et marry quant et quant , pour le doubte qu'il avoit que ceste rigueur ofïenceast sa repputation, et que l'on eust pensé que cela procedast de son advls ou sollicitation . disant qu'il eust esté plus séant que ce deslogement fust provenu de l'ordonnance du Roy que par une si furieuse façon, bienesloignéc du respect que l'on devoit porter à une telle personne qualifûée comme elle estoit. Ce qu'il n'oublia de luy remonstrer : mais TauUre n'en ilst que rire, et qu'il partiroit demain pour aller prendre la charge dont le Roy l'avoit honoré.

Mais M. le mareschal deVieilleville, le voyant trop mal accompaigné pour se présenter en une telle armée comme lieutenant de roy, il luy donna le capitainne La Barre avec sa compaignie de cent harquebuziers à cheval : qui fust ùng présent que le mareschal de Brissac receust avec une grandissime allaigresse et remercyement de mesme ; car il ne Teust jamais espéré , parcequec'estoit beaucoup s'affoibiir : mais M. le mareschal se vouloit oster ceste espine du pied , portant ledict capitainne La Barre le nom et les armes de madame de Villebon , et que son lieutenant estoit bastard de M. de Villebon, et en avoit quelque defûance par les advertissements qu'il recevoit de jour à a\iltre , que cinq ou six conseillers de la cour de parlement, créatures de Villebon , conferoient incessamment ensemble en son logis , avec des principaulx et plus riches bourgeois de la ville. Mais ce qui plus augmentoit ce soupçon en l'amede M. le mareschal , estoit que ceste conférence et négociation se faisoit ordinairement la nuict , et s'en retiroientsansaulcune lumière, pas d'une lanterne, encores qu'il y eust en ce clandestin et nocturne colloque plus de six personnes riches de cinq ou six mille livres de rente, et les aultres fort aisez , lesquels eussent despendu tous leurs moyens très-librement pour se vanger du desastre advenu à leur gouverneur.