CHAPITRE XXXIV

Discours du maréchal de Vicilleville au conseil du roi , pour lui persuader d'observer et de faire observer l'édit de pacification.

Monsieur le connestable estant en la chambre du Boy avec son fils le mareschal de Montmorency , attendants tousjours l'heure opportune d'entrer au conseil, et d'en presser Sa Majesté, comme brusiant en la continuation de sa fantaisie , et ayant les mains pleines de mémoires servants à cest effect, les mareschaulx de Brissac et de Bourdillon y arrivent, et bientost après le mareschal de Yieîlleville et quelques princes , et nombre de grands seigneurs. Et toute ceste troupe ensemble, M. le mareschal de Vieilleville commence à parler ainsi , et d'une fort brave hardiesse , que le Boy eust très-agreable :

• Sire, depuis mon arrivée en ceste ville j'ay entendu de terribles nouvelles, desquelles le bruict court si grand et de telle furie, que je ne sçay , encores que je sois en la chambre de Vostre Majesté , si je suis en seureté de ma vie ou non. Et fault bien croire que ce murmure sort d'une ivroignerie populaire , qui ne sceit pas poiser, considérer, ny prévenir les conséquences et événements des choses ; mais seulement je me contente de mettre en avant sa folle conception après s'estre enyvré à cueur saoul en quelque taverne , et ne se soulciant pas beaucoup de ce qui en pourra réussir.

» Et trouvera Vostre Majesté très-estrange , comme aussi fera toute ceste très-excellente assistance , ce qui se demeine maïs avec grande furie par ceste ville; qui est que l'on parle, pour le premier poinct , de rompre la paix et casser l'edit de paciffication qu'il a pieu à Dieu vous inspirer d'accorder à vos subjects d'une et d'aultre religion en la ville d'Orléans , par commiseration qu'il a eue de la ruine de vostre royaume et du povre peuple , et commencer la guerre la plus cruelle que l'on pourra contre ceulx de la religion prétendue, que nous appelions huguenots.

» L'aultre poinct , que l'on veult dresser une armée pour enfoncer le royaume d'Angleterre. Il est impossible d'imaginer, comprandre ny penser de quel esprit Insensé , voire ènraigé peult sortir une si perverse et inconsidérée oppinion , de mettre la guerre dehors et dedans vostre royaume, et tout à la fois.^Mais si celluy qui a tels sinistres desseings en la fantaisie conseilloit d'exécuter une entreprise après l'aultre encores y auroit-il apparance de suivre sa pro' position , et espérance de les effectuer, et en sor*

MÉMOIBSS BS VtSniLBTlLtB. — CHÀBIES IX» [1563]

tir avec proaffict et honneur ; mais d'embrasser le tout ensemble , le grand Turc ne fust jamais si empesché.

» Là-dessus, Sire , il me semble, sauf le meilleur advis de Yostre Majesté , qu'elle doit faire publier par ceste ville , à cry public , sur peine de la vie , qu'âme vivante n'aict plus à parler ny mettre en avant telles fadaizes ; et que vous voulez résolument entretenir Tédict de pacifûcation accordé en la ville d'Orléans : et en oultre^ que s'il se trouve quelque homme de robbe longue , soit de conseil ou d'aultre vacation, faisants ou dressants mémoires sur ce subject , qui ne .servent que pour animer la populasse aux massacres et toute sédition , qu'il soit privé de son estât , et avecques honte ; aultrement , falotes estât de venir une inextinguible combustion en vostre royaume, en dangier de veoir vostre couronne par terre; et ne devez partir de ce lieu , que tout ce que je vous ay proposé ne soit exécuté ; qui est le vray chemin de vostre repos et de tous vos subjects , de quelque qualité qu'ils puissent estre : estant contrainct de vous faire ceste remonstrance , que je supplie très-humblement Vostre Majesté avoir agréable , et me pardonner de la hardiesse que j'en ay prise , qui n'est à aultre fm que pour obvier aux inévitables hazards de toute désolation et impieté, où ces très-meschants diablesques desseings nous acheminent. »

M. le connestable, ces propos finis, qui estoient directement contre ses desseings , et offenceoient en quelques poincts son honneur, s'advancea de parler ; et commenceoit sa réplique , en grande colère ; mais toute l'assistance , princes et aultres, vont crier tout hault qu'il ne se pouvoit mieulx dire , et que la remonstrance de M. le mareschal de Vieilleville estoit non-seulement très-équitable et fondée en toute justice , mais très-saincte et selon Dieu ; et qu'il la falloit nécessairement suivre , et appeller le prevost de riiostel pour la faire incontinant publier, et commencer ^ar le palais , toutes les chambres assemblées , encores que ce ne soit pas la coustume ; mais aux extrêmes danglers il fault user d'extrêmes remèdes , et sans aulcune connivence; et que le Roy le doit estimer et tenir pour très-fidele serviteur et zélateur de son Estât, de luy avoir descouvert une telle meschanceté.

A quoy les deux mareschaulx de Brissac et de Bourdillon adjousterent qu'ils y tiendront la main jusques au dernier soupir de leur vie ; et qu'il estoit nécessaire de faire ung aultre devoir, qae leur corapaignon le mareschal de Vieilleville a oublié ; gui est de faire la patrouille ceste nuict.

en armes , par toute la ville , et tuer tons mk que l'on trouvera à heure indeue , armez , par les rues ; car ils sçavent bien qu'il y a entreprise secrette de massacrer les meilleures maifloas de la ville qui sont de la religion.