CHAPITRE XLII

Le prince de Gondé et l'Amiral se retirent en Poitou.

[1568] Le prince de Condé fut incontinant adverty de la resolution de l'entreprise de le venir attacquer : car les guerres civiles ne manquent jamais de perfides , ou de gens qui , soubs beau semblant , tranchent des deux costez. Et, par conseil bien considéré avecques l'Admirai , Audelot et aultres seigneurs de son party, délibéra de desloger, s'asseurants bien que, sur ceste nouvelle création du frère du Roy à la lieulenance-generale , il n'y auroit homme vivant dedans Paris , jusques aux artisans et crocheteurs , qui ne print les armes ; et qu'il leur estoit trèsnécessaire d'éviter ceste bouillante furie ; car il n'y avoit à gaigner, avec ceste enraigée populace, que la mort; craignants, d'aultre part, que leurs estrangiers, qui estoient leur plus grande force , se pourroient praticquer pour le service du Roy, principalement les Suisses , qui sont coustumiers de se vendre au plus offrant: car on leur devoit deux mois , et l'argent de l'Angleterre n' estoit pas encore venu.

Suivant ce conseil, ils deslogerent toute nuict, et prindrent le chemin de La Rochelle , comme leur plus seure retraictc, se promectants, par le moyen de cette bonne et brave place , s'assubjectir tout le Poictou,

MÉHOIBES Bfi VIBILLBVILLS. — CHARLES IX. [l568]

Le Roy , adverty de ce deslogement , Jugea bien que Tennemy estoit en spavente ; et faict marcher l'armée , commandant À son frère de la mener par Orléans , pour les croiser sMl estoit possible , car ils alloient par la Normandie ; et que , .quant à luy , il n'y vouioit pas aller sitost, affin qu'il commenceast d'exercer son estât delieutenant-general ; aussi que auparavant de partir il vouioit estre asseuré de la sauté de la Royne leur mère; mais que dedans quinze jours ils seroient ensemble.

Ainsi sort de Paris Son Altesse avec son armée , qui estoit belle et grande, et une merveilleuse noblesse, assistée de trois mareschaulx de France , Brissac (1) , Vieillcville et Bourdillon; car Montmorency demeura auprès du corps de son père : et s'en vont droict à Orléans, sans que jamais ils peussent rencontrer à qui parler ny combattre , encores qu'ils en chercheassent tous les moyens ; car messieurs les marescbaulx envoyoient alternativement cavalerie en campaigne pour descouvrir, et y alloient bien souvent eulx-mesmes, mais en vain , parce que les aultres avoient pris si bas en la Normandie, que impossible leur fut d'en avoir nouvelles ; aussi qu'ils faisoient grandes journées, craignants que l'armée royale leur empeschast le passaige de Loire au-dessus de Nantes ; qui les eust gardez d'entrer en Poictou , dont fust provenue leur totale ruine.

Environ dix-huict jours après le partement de Paris, le Roy arriva à Tours avec de belles forces , ayant la Royne sa mère en sa compagnie , qui estoit bien reconvalescée. Et ayants eu ad vis que le prince de Condé avoit passé Loire entre Anceny et la tour Doudon , et qu'ils estoient desja entrez en Poictou , il fust conclu et arresté d'aller après , de peur qu'ils s'agrandissent davantaige , y tenants beaucoup de places , et les forcer plustost à une bataille; mais parce que dedans Poictiers il n'y avoit poinct de chef pour résister à leur entreprise , et que l'on s'asseuroit qu'elle seroit la première attaquée , Son Altesse commanda à M. le mareschal de Yieilleville d'y entrer inconiiuant avec six enseignes ; qui estoit bien peu , veu la grandeur de la ville, mais il se doit en la prudence , valeur et vigilance dudict sieur mareschal ; et envoya d'aultres capitainnes en quelques petites places,* pour mesmes effects ; départant ainsi les charges en la présence du Roy, qui luy en laissoit tout le commandement, comme à son lieutenantgcncral.

(f) Ce maréchal cloit mort en I56f.