CHAPITRE XLIX
Conseil donné au Roi par le maréchal de Yieilleville pour la pacification des troubles.
[1570] Finalement, après tant de combats, rencontres , defCaictes et prises de villes , tant d'une part que d'aultre, le pourparler de la paix se myst en avant, qui f ust débattu par les députez de chasque costé ung mois entier, faisants tous l>onne myne en maulvais Jeu, car les deux armées estoient fort diminuées , et nécessiteuses de tontes munitions de bouche, et de fourraiges pour les cheiraux , et d'aultant que ceste guerre se faisoit en fort hy ver.
Ce neantmoins, ils estoient tous si opiniastres et arrestez en leurs articles et propositions, qu'il D y avoit pas grande espérance qu'elle se deust conclurre ; car le Roy, pour mourir, n'eust souffert que ses subjects luy donnassent la ioy. Les protestants, d'aultre part, ne voutoient nullement plyer aux articles qui offenceoient leur* religion. Cependant la guerre se continuoit toujours, durant laquelle il se trouvoit souvent quelque by coque prise, et de braves capitainnes et soldats tuez en telles factions.
En telles altercations, M. le mareschal de Yieilleville arrive. De quoy Leurs Majestés furent ravyes d'aise et de contentement ce qui se penlt, luy disants qu'il estoit venu fort à propos pour advancer la conclusion de la paix qu^eUes desiroient inflniment , voyants une désolation universelle en ce royaume ; et qu'il estoit nécessaire qu'il allast au lieu de la conférence pour essayer d'y mettre une bonne fin ; et qu'il n'espargnast non plus leurs députez que ceux des protestants ; et s'asseuroient que sa venue y apporteroit une bonne et très-desirée resolution à toutes les affaires qui estoient en terme.
M. le mareschal dist au Boy qu'il estoit tout prest de partir, et se sentoit très-honoré de ceste charge; mais qu'il s^estonnolt grandement de la deffectuosité d'esprit de tous ceulx qui sont auprès de Sa Majesté , de penser que l'on puisse aire la paix et la guerre tout ensemble, veu que
le premier eschelon pour parvenir à ce grand bien de paix est la trefve; car, en leur négociation, il ne fault que une nouvelle de la mort de quelque seigneur ou capitainne signalé, ou la prise d*une villette ou de quelque fort d'importance, pour renverser par desdaing et animosité tout ce qui aura esté conclu en huict Jours , et les faire aigrir les ungs contre les aultres.
f Par ainsi, il est très-nécessaire que Vostre Majesté la fasse incontinaut publier, afHn qu'il y aict suspension d'armes, au moyen de laquelle on s'entre-visitera; qui pourra amollir les plus obstinez, tant d'une part que d'aultre, et se reconcilier en bons et naturels Français; aussi qu'il ne peult estre qu'en telle assemblée, il ne s'en trouve qui soient parants, lesquels, pour vivre ensemble, pourront llgierement passer ^ voire rayer beaucoup de difficultés.
» L'aultre poinct, Sire, consiste que vous envoyez en toute diligence devers les princes de l'Empire, qui sont aujourd'huy assemblez à Hildelberg pour festoyer les nopces du prince Casimir, fils du comte Palatin, avec la fille du duc Auguste de Saxe, qui leur portera de vostre part les articles de la paix que Vostre Majesté entend promettre à vos subjects ; et qu'il ne tient pas à vous que la chrestienté n'est paisible, affin de se reunir tous ensemble pour faire teste à l'ennemy commun du nom chrestien, qui s'arme, ainsi que l'on dict, pour invahir la Germanie et tout l'Empire ; et que vous aymez mieux employer vos forces et les conduire en personne pour les secourir et y bazarder vostre vye, que de les ruyner et consommer contre vos subjects. Vous ne sçauriez croire, Sire, de quelle efficace sera ceste depesche, de veoir en leur endroit la submission d'un si grand prince : pour le moins, les protestants se pourront bien asseurer de n'estre plus secourus de leur costé , quand on cognoistra qu'ils sont cause de tout le mal par leur rebelle obstination. »
