CHAPITRE PREMIER
Le Roi prend la résolotion d'envoyer les qoatre maréchaux de France dans les provinces pour veiller à l'observation des articles de la paix.
Le Roy , adverty en toute vérité du très-heureux succès de toutes choses, et du grand devoir que ceulx du party contraire avoient faict en Tadvencement et conclusion de la paix , sans connivence ou dissimulation , fost si ravy d'aise et de contentement, qu'il louoit Dieu en la présence de tous de la venue de M. le mareschal de Vleilleville , disant que par son industrie et trèssaige conddcte il estoit en très-bon repos, qu'il conservera, avec l'aide de Dieu, tant qu'il vivra ; et que de sa vye il ne fera la guerre en son royaume ny contre ses subjets, car c'estoit se battre soy-mesme et brusler la chandelle par les deux bouts.
La Boyne sa mère en disoit aultant , comme aussi faisoienties princes et courtisans de toutes qualitez; de sorte que l'on ne parioit que des louanges de M. le mareschal de Yieilleville ; disants que la France et eulx tous jouissoient du fruict de son labeur, sans lequel et ses heureuses inventions on seroit encores, les armes au poing, à s'entretuer et massacrer. Et fault noter que trois semaines durant que M. le mareschal séjourna à la Cour , il mangea ordinairement à la table du Boy , par commendement exprès que luy en flst Sa Majesté de n'y faillir; à laquelle faveur Jamais prince, ny aultre, pour grand quMI fust, ne porta envie ny Jalousie , mais au contraire disoient qu'il l'avoit très-bien mérité , et mieulx.
Or, estant cet edict publié à Paris, et depesches faictes pour le faire publier semblablement par tout le royaume, Sa Majesté, pour l'extrême désir qu'elle avoit qu'il fust perdurable , délibéra d'envoyer les quatre mareschaulx de France par toutes les provinces, pour le faire observer et entretenir; leur départant la France en quatre. Et sur ceste délibération elle appela M. le mareschal à part , en la présence de la Royne sa mère et de messieurs les ducs d'Anjou et d*A-
lençon , et un grand nombre de princes et seigneurs , et luy tint ce langaige :
« Mon mareschal, j'ay esté conseUlé, pour entretenir mon royaume en bonne paix et perpétuelle union, de donner à chacun des quatre mareschaulx de France ung département de toutes les provinces d'icelluy , pour y faire observer inviolablement mon edict depaciflQcation, avec des pouvoirs si amples et generaulx, que quiconque se il vouldra opposer ne puisse escbapper la mort quand vous le y aurez condampné. Et à vous premièrement, afQn que me puissiez faire service sans trop vous esloigner de vostre maison, j'ay ordonné les provinces de Bretai* gne , d'Anjou, Tourraine, le Mayne, GhartralD , Berry , Orléans et Guyenne. »
M. le mareschal, remerciant très-humblement Sa Majesté, luy dist t qu'il ne pouvoita^ cepter ce département pour deux raisons, quelle et toute l'assistance trouveront fort légitimes et pertinentes; dont la première est qu'il a tant de parants et bons amys en Bretaigne, Anjou et au Mayne , et beaucoup de bons et nobles subjects, que malaisément pourroit-il faire en homme de bien son service; car quelquefois la faveur de consanguinité, si l'on n'est assisté de DieU} donne de grandes traverses à la Justice.
» L'aultre , que M. de Montpensier , nouvellement installé au gouvernement de Bretaigne, s'opposeroit formellement à toutes mes ordoonances , picqué et irrité contre rooy pour les causes qui sont trop cognues à Vostre Majesté, à la Boyne votre dame et mère , et à la trèsillustre et très-excellente compaignle cy-présente ; et feroit tous ses efforts de rendre ma charge très-odieuse et conptemptible : qui me faict très-humblement supplier Vostre Majesté de me honorer d'un aultre département j et bien esloigné de ma patrie. »
MiMOIBSB M VIBIIXBYILLE. — CHARLES IX. [1570]
